Genesis 11:3 - Maung a Balita Biblia

³ Inkuandad sakey tan sakey, Manggawa tayoy laryo tan palbaen tayo ran maung. Kanyan wala ray laryo ra a pinagkabato ra, tan alkitran a pinagkasiminto.

Maung A Balita Biblia

³ Inkuandad sakey tan sakey, “Manggawa tayoy laryo tan palbaen tayo ran maung.” Kanyan wala ray laryo ra a pinagkabato ra, tan alkitran a pinagkasiminto.

Genesis 11:3 Referans Kwoze

Genesis 14:10

Dakel diman iray maawang a bobun na alkitran, et nen ibabatikan day bakal ira may ari na Sodoma tan Gomorra naplag irad saraman a bobun, balet akabatik ed kapalandeyan ira may taloran ari.

Exodo 2:3

Balet nen ag to la nayarian ya iyamut so anak to, angala na sakey a baskit a papiro; kinapolan to na beket, pian ag naloobay danum. Insan to inlogan ed baskit imay ogaw tan inggaton to ed gilig na ilog a kawalaay atatagey a dika.

Santiago 5:1

Dengel yo ya, sikayon mamayaman! Nangisan tan panogaogan yoy kairapan ya onsabid sikayo!

Saray Hebreo 10:24

Nepeg tin nunoten no panoy pananggoyur tayod balang sakey a mangarod kapara ton too tan manggaway kamaungan.

Saray Hebreo 3:13

Ingen, mansisimbawaan kayon inagew-agew, legan a say walad Masanton Sulat a Natan et onkanad sikatayo, pian anggapod sikayoy onawet so olo to tan ibalang na kasalanan.

Isaias 9:10

Ageba ray laryon paalagey, balet salatan mi ra na saray baton paalagey. Apoter iray wanan a sikamoro, balet salatan mi ra na sankaabigan a kiew a sidro.

2 Samuel 12:31

tan impankikimey to ray totood man diad panamegley na saray ligari, buka, balatyang, tan wasay a balatyang. Pinapasoot to ran impanggagaway ankakabaleg a laryo. Onya met so ginagawa tod saray totood arum a baley na Amnon. Insan pinmawil ed Jerusalem a kaiba to ray totoo to.

Santiago 4:13

Dengel yo ya, sikayon mangibabaga, Onla kami natan o nabwas ed ontan a pasen, tan sakey taon mid man a mannigosio et makatubo kami.

Nahum 3:14

Mantipon kay danum a pangiparaan mod panlakob dad sika, tan pabiskeg mo ray tirinsiram! Gatin-gatinan mo ray pitek, ta manggawa ka na saray laryo, tan iparaan mo ray pampeket ed sikara!

Isaias 65:3

Anggapoy baing dan mamapapetang na olok. Mangisasaklang iray bagat ed saray masanton tanamanan tan mampopool iray insinso ed tapew na saray altar a panangigalangan na saray pagano.

Isaias 5:5

Onya so gawaen kod samay kaubasan ko: Baguten ko ray dikad kaliberliber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Ecclesiastes 2:1

Ginetmak a panliketen koy laman kon dili tan suboken ko no anto so kabaliksan na liket. Balet arumogan ko a saya et andi-kakanaan met.

Probirbio 1:11

No bilang ta ikuanda, Gala, ta mananap itayoy pateyen tayon too! Dogpaan tayo ray totoon anggapoy kasalanan, pian walay panliketan tayo!

Saray Salmo 64:5

Mampapabiskegan iray linawa nipaakar ed saray maoges a komplut da; pantotongtongan da no iner so pangiliraan da ray patit da. Anggapoy makanengneng ed saraya, kuanda.

Genesis 11:7

Onakseb itayo tan pandoromaen tayoy salita ra, pian ag ira makapantatalusan.

Genesis 11:4

Insan inkuanda, Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.