Genesis 1:9 - Maung a Balita Biblia

⁹ Insan inkuan na Dios, Natipon ed sakey a pasen so danum a walad silong na tawen, pian ompaway so amagan pasenet agawa.

Maung A Balita Biblia

⁹ Insan inkuan na Dios, “Natipon ed sakey a pasen so danum a walad silong na tawen, pian ompaway so amagan pasen”—et agawa.

Genesis 1:9 Referans Kwoze

2 Pedro 3:5

Gagagalaen da ingen ya ipolisay so katwaan a diad panamegley na salitay Dios, apalsay tawen tan dalin. Apalsay dalin nanlapud danum tan diad pegley na danum.

Jonas 1:9

Sakey ak a Hebreo, ebat nen Jonas. Mangigagalang ak ed Katawan a Dios na tawen, say nanggawad dalin tan say dayat.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Saray Salmo 95:5

Manooley ed dayat a pinalsa to; tan dia met ed dalin a ginawa to.

Ecclesiastes 1:7

Amin da ray ilog onaagos ed dayat balet siansian ag ni ra napno, ompawil ed sengeg na saray ilog so danum, insan onagos lamet ed dayat.

Saray Salmo 33:7

Impantitipon ton amin iray dayat ed saksakey a pasen; inyatul to ray kaaralman na dayat ed saray kuarton panagsinupan.

Say Libro nen Job 26:10

Imbiig toy liwawa ed bilonget, diad panamegley na malimpek a gulis ed tapew na dayat.

Puyan 10:6

tan nansambad ngaray Dios a mabilay ya anggad angga, tan amalsay tawen, dalin, dayat, tan amin a wadyad saraya. Inkuanto may anghil, Anggapo lay makaabala!

Saray Salmo 104:3

tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

Say Libro nen Job 26:7

Impanat na Dios so baybay a tawen, tan imbitin tod liwang so mundo.

Genesis 1:8

Tinawag to na Tawen so liwang. Linmabas so labi tan sinmabiy kabwasansikato ya so kumadwan agew.

Nehemias 9:6

Insan saray totood Israel nampikasi ra na onya: Sika, Katawan, sika labat so Katawan; pinalsam iray katawenan tan saray bitewen ed tawen. Pinalsam so dalin tan say dayat tan amin a logan da; initdan moy bilay iray amin a bengatla. Ondadakmomo tan mangigagalang ed sika iray mangatatawen a pakayari.