Genesis 1:29 - Maung a Balita Biblia

²⁹ Inter kon tagano yo iray amin a tanaman a mangiter na ilik tan amin a kiew a mambungay prutas a nambokel;

Maung A Balita Biblia

²⁹ Inter kon tagano yo iray amin a tanaman a mangiter na ilik tan amin a kiew a mambungay prutas a nambokel;

Genesis 1:29 Referans Kwoze

Genesis 9:3

Nayarian yo ran kanen, tan nayarian yo met a pambilay iray tantanaman; iter kon tagano yo ra yan amin.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Gawgawa 17:28

ta Walad sikatoy bilay, igagalaw, tan inkatoo tayo. Onya met so labay ya ibaga na saray managanlong yo nen inkuanda, Anak to itayo met!

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy likey iray puso yo.

Saray Salmo 147:9

Iiter toy tagano da ray ayayep tan papakanen to ray sibong na wawak no ontawag ira.

Saray Salmo 136:25

Iitdan toy tagano iray amin a pinalsan mabilay; andi-anggaan so panangaro to.

Mateo 6:11

Itdan mo kami pay kanen mid sayan agew.

Say Libro nen Job 36:31

Onyay panamakan na Dios ed saray totoo tan say panangiter to na daakan a tagano.

Genesis 2:16

Ingganggan tod sikato, Nayarian mon kaney bunga na antokaman a kiew ed tanamanan,

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Saray Salmo 146:7

kikilingan tod panagsintinsia to iray napapairap, tan iitdan toy nakan iray narasan. Say Katawan ibobolus to ray priso,

Saray Salmo 115:16

Kayaryan a bukor na Katawan so tawen, balet inter toy mundo ed too.

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.

1 Timoteo 4:3

Saratan a totoo isebel day pangasawa tan say pangan na pigara a kakanen. Balet pinalsa na Dios iray nakan a kanen na saray mananisia tan makapikabat ed katwaan, kasumpal dan misalamat ed Dios.

Genesis 6:21

Mangawit ka met na amin a klasiy kakanen a para sikayo tan sikara.