Genesis 1:27 - Maung a Balita Biblia

²⁷ Onya so impamalsa na Dios ed too; pinalsa to ra a kaparay indengan to. Pinalsa toy laki tan say bii,

Maung A Balita Biblia

²⁷ Onya so impamalsa na Dios ed too; pinalsa to ra a kaparay indengan to. Pinalsa toy laki tan say bii,

Genesis 1:27 Referans Kwoze

Mateo 19:4

Inmebat si Jesus, Ag yo ta nababasad Masanton Sulat a nanlapud gapo et pinalsay Dios so laki tan bii?

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

Marcos 10:6

Balet nanlapud impamalsay Dios ed mundo nibaga, Pinalsay Dios so laki tan bii.

TAGA-EFESO 4:24

Nepeg yon isolung so balon inkatoo, a pinalsan kaparparay Dios, tan nipanengneng diad tuan panagbilay a masanto tan matonung.

Saray Salmo 139:14

Idadayew ta ka, lapud nepeg kan takotan; makapakelaw tan nidoma ya amin iray gagawaen mo. Nagnap so pakapikabat kod saya.

Isaias 43:7

Sikaray dilin totook, tan pinalsak ira a mangiter ed siak na kagalangan.

COLOSAS 1:15

Si Cristo et indengan na Dios ya ag nanengneng. Sikatoy pangulowan ya Anak, manona nen say amin a pinalsa.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Genesis 2:18

Insan inkuan na Katawan a Dios, Aliwan maung a mambukbukor so too. Igawaan ko na sakey a manepeg a kaiba to tan katulongan to.

COLOSAS 1:26

salanti say katwaan a niamut nen inmona ran panaon tan diad amin a katoowan, balet nipaamta la natan ed saray totooy Dios.

COLOSAS 3:10

tan insolung yoy balon inkatoo. Sikato yay balon too a pinalsa na Dios tan papasimbaloen to lawas onung ed indengan to, pian magmaliw a nagnap so pakapikabat yod sikato.

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala ka kasi so akadngel na singa onyan agawa?

Ecclesiastes 7:29

Saya labat so naaralan ko: Pinalsa na Dios maptek so too, balet say too amayamay so sinmeseksek a kaogsan ed olo to.

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Saray Huis 21:22

No onlad sikayo a manriklamo ray ama odino agagi ran lalaki, nayarin ibaga yo ed sikara, Ipangasi yon ag yo la ra aalaen lapud ag mi ra inalad sikayod bakal, pian naasawa mi ra. Bangta ag yo ra inter ed sikami, ag kayo mankasalanan ed ag yo impanoor ed sipan yo.

Jeremias 29:6

Mangasawa tan miasawa kayo pian nawalaan kayo ray anak. Insan yo pangasawaen tan piasawaen iray anak yo, pian nawalaan met iray anak. Nakaukolan ya ondakel so bilang yo ya aliwan ondaiset.