Genesis 1:26 - Maung a Balita Biblia

²⁶ Insan inkuan na Dios, Natan mamalsa tayoy too; gawaen tayo ran kaparparay indengan tayo tan kaolibay tayo. Sikaray manoley ed saray sira, saray manok, tan amin ya ayayep, saray amo tan saray atap, saray baleg tan saray melag.

Maung A Balita Biblia

²⁶ Insan inkuan na Dios, “Natan mamalsa tayoy too; gawaen tayo ran kaparparay indengan tayo tan kaolibay tayo. Sikaray manoley ed saray sira, saray manok, tan amin ya ayayep, saray amo tan saray atap, saray baleg tan saray melag.”

Genesis 1:26 Referans Kwoze

COLOSAS 3:10

tan insolung yoy balon inkatoo. Sikato yay balon too a pinalsa na Dios tan papasimbaloen to lawas onung ed indengan to, pian magmaliw a nagnap so pakapikabat yod sikato.

TAGA-EFESO 4:24

Nepeg yon isolung so balon inkatoo, a pinalsan kaparparay Dios, tan nipanengneng diad tuan panagbilay a masanto tan matonung.

Genesis 3:22

Insan inkuan na Katawan a Dios, Nagmaliw la a singa sakey ed sikatayo so too, tan wala lay pakaamta tod maung tan maoges. Nakaukolan a sebelan a mangala na bungay kiew na bilay, ta no mangala tan mangan, mambilay ya anggad angga.

Genesis 5:1

Sikato yay listaan na saray kabyangay boleg nen Adan. (Nen pinalsay Dios so too, ginawa ton kaolibay to.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

COLOSAS 1:15

Si Cristo et indengan na Dios ya ag nanengneng. Sikatoy pangulowan ya Anak, manona nen say amin a pinalsa.

Santiago 3:9

Ikakana tin pangigalang ed Katawan tan Ama tayo, tan sikato met so ikakana tayon panayew ed kapara tayon too ya apalsa ed indengan na Dios.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

1 CORINTO 11:7

Ag nepeg a mampandung so laki, ta sikatoy kaolibay tan kagalangay Dios. Balet say bii kagalangay laki,

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

Ecclesiastes 7:29

Saya labat so naaralan ko: Pinalsa na Dios maptek so too, balet say too amayamay so sinmeseksek a kaogsan ed olo to.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Juan 14:23

Inmebat si Jesus, Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

1 Juan 5:7

Taloray mantasi:

Santiago 3:7

Nayariay too a paamoen iray pinalsa, tan talagan apaamo to la ray arum, a singa saray ayayep ed takel, manok ya atap, korung-korung iran bigis tan ayayep, tan saray sira.

Isaias 6:8

Insan nadngel kon say Katawan kuanto, Siopay ibakik? Siopay managbalita tayo? Inmebat ak, Siak! Ibaki mo ak!

Saray Salmo 149:2

Israel, manggayaga ka lapud Manamalsam; totoo na Sion, manliket kayo lapud ari yo!

Genesis 11:7

Onakseb itayo tan pandoromaen tayoy salita ra, pian ag ira makapantatalusan.

Jeremias 27:6

Siak so angyan ed sarayan amin a bansa diad silong na pakayari na aripen kon Ari Nabucodonosor na Babilonia. Panlilingkuren ko met ed sikato iray anggan ayayep ed katakelan.

Say Libro nen Job 35:10

Balet ag ira onsisingger ed Dios ya amalsa ed sikara, anta sikatoy makapangiter ed sikara na ilalo no mapalaloy kagugunigon da.

Juan 5:17

Balet inmebat si Jesus ed sikara, Si Amak mankikimey anggad natan; ontan ko met.

Saray Gawgawa 17:20

Balod sikami ra tay ibabagam, kanyan labay min amtaey kabaliksan da.

Say Libro nen Job 5:23

Anggapoy bato so kaalogan a bakaen mo; ag kan balut dogpaan na saray masesebeg ya ayayep.

Genesis 2:19

Kanyan nanmoli na dalin tan sayan minoli to ginawa ton ayayep tan manomanok. Insan to ra inyakar ed samay too, ta nengnengen to no antoy pangingaran tod sikara. No antoy impanawag tod balang sakey, sikatoy ngaran to.

Isaias 45:18

Say Katawan pinalsa toy katawenan sikato so Dios! Tinibokel tan ginawa toy mundo ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, Siak so Katawan, tan anggapo lay arum.

Say Libro nen Job 39:11

Napanmatalkan mo so ontan lan biskeg to tan napanilaloan mon gawaen toy kimey mo?

Kanta nen Solomon 1:11

Igawaan mi ka na pulsiras a balituk ya adikoraan na saray pilak.