FILIPOS 2:7 - Maung a Balita Biblia

⁷ Nilakseb to ingen so inka-Dios to, tan inala toy kipapasen na aripen nen nagmaliw a too.

Maung A Balita Biblia

⁷ Nilakseb to ingen so inka-Dios to, tan inala toy kipapasen na aripen nen nagmaliw a too.

FILIPOS 2:7 Referans Kwoze

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

Mateo 20:28

a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Saray Taga Roma 15:3

Ta anggan si Cristo, ag to pinaliket so sikaton dili. Ingen onung ed Masanton Sulat, Siak so naplagan na saray pabpabaing da ray nanlemlemew ed sika.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Lucas 22:27

Siopay lalon manona: say akarongon mangakan, o say mansisirbi? Say akarongon mangakan. Balet managsirbi ak ed sikayo ran kakaibak.

Saray Taga Roma 15:8

Ta ibabagak ed sikayo a nagmaliw a managlingkur si Cristo ed saray Judio, pian nipanengneng ton matoor so Dios, napatwa to ray sipay Dios ed saray lalaki ra,

FILIPOS 2:6

Anggaman a walad sikatoy inka-Dios, ag to impasoot a mansiansian kaparay Dios.

Isaias 42:1

Say Katawan kuanto, Saya so aripen ko a pinabiskeg ko sikatoy pinilik tan pakaliliketan ko. Pinanok na ispirtuk, tan sikatoy mangyakar ed balang bansa na inkatonung.

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno

Mateo 12:18

Sava so aripen ko a pinilik, sikatoy inarok tan pakaliliketan ko. Iter koy Ispirituk ed sikato, tan sikatoy mangipakabat na katonungan ed amin a katoowan.

Saray Hebreo 13:3

Nunot yo ray apriso tan midamay kayod sikara, a singa kaiba yo rad prisowan. Nunot yo met iray napapairap, ta nayarin napairap kayo met.

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

Marcos 9:12

Inmebat ed sikara, Tua ya ononan onsabiy Elias tan pasimbaloen ton amin iray bengatla. Balet akin et ibabagay Masanton Sulat a mapalaloy kairapan na Anak na Too tan nabalaw-balaw?

Zacarias 3:8

Dengel ka sirin, Josue, sika a Pangulon Pari; tan dengel kayon kapara ton papari, sikayo a tanda na maung a nagawa ed arapen a panaon; ipaamtak so aripen ko a tatawagey Say Sanga!

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Isaias 49:3

Inkuantod siak, Israel, sikay aripen ko; lapud sika, idayew ak na saray totoo.

2 CORINTO 13:4

Ta anggaman a sikatoy makapoy nen impasak ed krus, mambibilay natan lapud pakayariy Dios. Diad pikakasakey ed sikato makapoy kami met, balet diad pipiolup mid sikayo kaiba min mambibilay lapud pakayariy Dios.