Exodo 9:28 - Maung a Balita Biblia

²⁸ Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.

Maung A Balita Biblia

²⁸ Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.”

Exodo 9:28 Referans Kwoze

Exodo 8:8

Say ari impaawit to ra di Moises tan Aaron tan kuanto, Ipikasi yod Katawan a pagiten to ra yay patang, insan ko abuloyan ya onla la ray totoom, pian makapangibagat irad Katawan.

Exodo 10:17

Pirdona yo ak pan maminsan labat ni ed sayan kasalanan ko tan pikasi yod Katawan a Dios yo a paandien to lad siak yan makapatey a dusa.

Exodo 8:28

Say ari kuanto, Abuloyan ta kayon mangibagat ed Katawan a Dios yo diad kalawakan, dapot ag kayo oonlad arawdawi. Ipikasi mo ak.

Saray Gawgawa 8:24

Inkuanen Simon ed kindi Pedro tan Juan, Ipikasi yo ak pa sirin ed Katawan, pian anggapod saray imbaga yo so nagawad siak.

Exodo 11:1

Insan say Katawan kuantod kinen Moises, Mangiter ak niy sakey a kaonuran a dusa ed ari na Egipto tan diad saray totoo to. Kayari to ya, abuloyan to kayo lan ontaynan. Diad tuay tua, pasooten to kayo lan pataynanen ya amin.

Exodo 8:25

Insan impaawit na ari ira di Moises tan Aaron tan kuanto, Laka yo la, ta mangigalang kayod Dios yo diad loob na sayan bansa.

Exodo 10:8

Kanyan pinapawil da ra di Moises tan Aaron ed ari tan kuantod sikara, Nayarian yo lay onla a mangigalang ed Katawan a Dios yo. Balet siopa ray talagan onla?

Exodo 10:24

Impaawit na ari si Moises tan kuanto, Nayarian yo lay onla a mangigalang ed Katawan; nayarian yo lan awiten iray bibii tan saray ogogaw. Balet itilak yo dia ray karniro yo, saray kanding yo, tan saray baka yo.

1 Samuel 12:19

inkuandad kinen Samuel, Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.

1 Saray Arari 13:6

Inkuanen Ari Jeroboam ed samay propita, Ipikasi mo ak pa ed Katawan a Dios mo, tan kerew mon paabigen toy taklay ko. Nampikasid Katawan imay propita, et inmabig so taklay na ari.

Jeremias 21:2

Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.

Exodo 8:4

Onluklukso rad laman mo, diad saray totoom, tan diad amin ya opisyal mo.

Saray Bilang 21:7

Sinmingger ed kinen Moises iray totoo tan kuanda, Nankasalanan kami nen nansalita kamiy sumpad Dios tan sumpad sika. Ipikasim pad Katawan ya ekalen to la ra yan oleg. Kanyan impikasi nen Moises iray totoo.