Exodo 7:13 - Maung a Balita Biblia

¹³ Balet nansiansian anawet so puso na ari, tan onung na imbaga na Katawan, ag dinmengel ed kindi Moises tan Aaron so ari.

Maung A Balita Biblia

¹³ Balet nansiansian anawet so puso na ari, tan onung na imbaga na Katawan, ag dinmengel ed kindi Moises tan Aaron so ari.

Exodo 7:13 Referans Kwoze

Exodo 4:21

Say Katawan inkuanto lamet ed kinen Moises, No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 8:15

Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Saray Hebreo 3:13

Ingen, mansisimbawaan kayon inagew-agew, legan a say walad Masanton Sulat a Natan et onkanad sikatayo, pian anggapod sikayoy onawet so olo to tan ibalang na kasalanan.

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Exodo 10:27

Pinaawet na Katawan so puso na ari, kanyan ag to abuloyan ya onla la ray Israelita.

Exodo 10:20

Balet pinaawet na Katawan so puso na ari, kanyan ag to inabuloyan ya ontaynan iray Israelita.

Exodo 10:1

Insan inkuan na Katawan ed kinen Moises, Laka, ta miarapan kad ari. Pinaawet koy puso to tan saray opisyal to, pian nagawaan kod imatun da ira yan milagro.

Deuteronomio 2:30

Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 7:12

Imbontuk da ray baston da, et nagmaliw iran oleg. Balet samay baston nen Aaron inaakmun to ra may baston da.

Exodo 7:14

Insan say Katawan kuantod kinen Moises, Anawet a tuloy so puso na ari tan ag to abuloyan ya ontaynan iray totook.

Exodo 7:22

Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron.

Exodo 8:19

tan inkuan na saramay managsalamangka ed ari, Say Dios so nanggawad saya! Balet anawet nin siansia so puso na ari tan onung na imbaga lay Katawan, ag dinmengel so ari ed kindi Moises tan Aaron.

Exodo 9:7

Impatepet na ari no anto so agawa tan nibagad sikato ya anggapoy inatey ya ayep na saray Israelita. Balet anawet nin siansiay puso to tan ag to inabuloyan ya onla la ray Israelita.

Exodo 9:12

Balet say Katawan pinaawet toy puso na ari tan onung na imbaga la na Katawan, ag dinmengel ed kindi Moises tan Aaron.

1 Samuel 6:6

Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?

Exodo 8:11

Saray patang onandi rad sika, saray opisyal mo tan saray totoom, tan anggapoy nakeraan a patang likud ed saray patang a walad Ilog na Nilo.

Exodo 8:28

Say ari kuanto, Abuloyan ta kayon mangibagat ed Katawan a Dios yo diad kalawakan, dapot ag kayo oonlad arawdawi. Ipikasi mo ak.

Exodo 9:35

Anawet so puso nen ari, kanyan ag to inabuloyan ya ontaynan iray Israelita, onung na impasakbay la na Katawan diad panamegley nen Moises.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.