Exodo 5:16 - Maung a Balita Biblia

¹⁶ Ag kami nanaitdan na dayami, balet gagangganen da kami nin manggaway laryo. Insan natan leleweten da kami. Saray totoom so nanlapulapwan ed sayan nagagawa.

Maung A Balita Biblia

¹⁶ Ag kami nanaitdan na dayami, balet gagangganen da kami nin manggaway laryo. Insan natan leleweten da kami. Saray totoom so nanlapulapwan ed sayan nagagawa.”

Exodo 5:16 Referans Kwoze

Genesis 11:3

Inkuandad sakey tan sakey, Manggawa tayoy laryo tan palbaen tayo ran maung. Kanyan wala ray laryo ra a pinagkabato ra, tan alkitran a pinagkasiminto.

Exodo 5:15

Insan saramay opisyal linma rad ari, ta nandalem ira. Inkuanda, Akin et onyay gagawaen mod sikami, Kagalang ya Ari?

Exodo 5:17

Inmebat so ari, Mangingiras kayo! Mangingiras kayon talaga! Kampega lan kekerewen yon abuloyan ta kayon onla a mangibagat ed Katawan.

1 Saray Arari 12:14

Sinalita to may impaikuan na saray mamalangwer a sumisimbawa: Ambelat so impasakbat ed sikayo nen amak; ambelat niy ipasakbat kod sikayo. Nilatiko kayo nen amak; pekpeken ta kayoy balatyang!

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Ezekiel 16:4

Nen nianak ka, anggapoy amoseg ed sika, odino angoras ed sika, odino angosagos ed sika na asin, odino amalkut ed sika na abel.