Exodo 4:31 - Maung a Balita Biblia

³¹ Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Maung A Balita Biblia

³¹ Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Exodo 4:31 Referans Kwoze

Exodo 3:18

Dengelen day salitaen mod saray totook, insan ka nepeg ya onlad ari na Egipto a kaolup mo ray pangulo na Israel, tan ikuanyod sikato, Pinmanengneng ed sikami so Katawan a Dios min Israelita. Abuloyan mo kami pan onlad kalawakan ed loob na taloy agew, ta mangibagat kamid Katawan a Dios mi.

Lucas 8:13

Saramay ilik a dinmapod dalin a batoy dalem to aliling day totoon ondedengel ed salitay Dios tan aawaten dan sililiket, balet ag onlalamut. Sisiaen da magano, balet no natukso ra, bigla met la ran ombetel.

Exodo 12:27

ebatan yo ra, Sikatoy bagat na Paskua a pamagalang ed Katawan, ta nilabsanan to ray kaabungan na saray Israelita nen wala rad Egipto. Pinatey to ray Egipsio, balet ag to kami pinatey. Tinmuek iray Israelita tan inggalang day Katawan.

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Exodo 2:25

Say Dios anengneng toy pakakaaripen da ray Israelita tan inabagey to ra.

Genesis 24:26

Tinmalimukor imay aripen tan inggalang toy Katawan.

1 Saray Awaran 29:20

Insan ingganggan nen David ya amin iray totoo, Igalang yoy Katawan a Dios yo! Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

Exodo 3:7

Insan say Katawan inkuanto, Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Lucas 1:68

Nagalang komuy Katawan a Dios na Israel! Ta nila ton tinulongan tan inyagel so bansa to.

2 Saray Awaran 20:18

Dinmakmomoy Josafat ya anggad dalin tan dinmakmomo met iray arum a totoo, insan inggalang day Katawan.

Genesis 17:3

Dinmakmomoy Abram ya anggad dalin so lupa to, insan inkuan na Dios.

Genesis 29:32

Nanlokun si Lea tan nananak na sakey a laki. Inkuanto, Anengneng na Katawan so segsegang ko; natan aroen ak la nen asawak; kanyan inngaran to na Ruben imay ogaw.

Genesis 50:24

Inkuantod saray lalakin agagi to, Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.

Exodo 4:5

Imbilin na Katawan ed kinen Moises, Gawam yan pakelaw a pamaneknek mod saray Israelita a say Katawan a Dios na samay lalaki ra, say Dios di Abraham, Isaac, tan Jacob, et pinmanengneng ed sika.

Exodo 14:31

Nen anengneng na saray Israelita so baleg a pakayari ya impakana na Katawan diad impanalo tod saray Egipsio, tinakotan da so Katawan. Awalaan ira na pananisia ed Katawan tan diad aripen to a si Moises.

Exodo 19:8

Insan amin a katoowan nambabansag iran inmebat, Gawaen miy amin ya imbaga na Katawan. Si Moises imbaga to ya ed Katawan.

Exodo 19:9

Say Katawan kuantod kinen Moises, Onla ak ed sika diad panamegley na makapal a lorem, pian narengel na saray totoo so pitongtong kod sika tan manlapud natan sisiaen da ka. Imbaga nen Moises ed Katawan so ebat na saray katoowan,

Exodo 34:8

Tampol a dinmakmomo ya anggad dalin si Moises tan angigalang.

Ruth 1:6

Ag abayag, nadngelan nen Noemi a binindisionan na Katawan iray totoo ton Israelita, ta initdan to ray amayamay a napambilay. Kanyan namparaan a taynan toy Moab, a kaiba to ray manugang to.

Nehemias 8:6

Inkuanen Esdras, Nadayew komun so Katawan, say matalonggaring a Dios! Amin a totoo inyatagey day lima ra tan kuanda, Amen, Amen! Insan ira dinmakmomon angigalang ya anggad dalin.

Sofonias 2:7

Say dalin yo panayaman na saray taga Juda ya akapaliis ed patey. Ipastol da rad may karniro ra tan manogip irad saray kaabungan ed Ascalon. Asikasoen ira na Katawan a Dios da tan paaligwasen to ra lamet.

Exodo 33:10

No anengneng la na saray totoo so lusek a lorem dimad lolooban na samay Tulda, ondakmomo ran mangigalang ed Katawan.

2 Saray Awaran 7:3

Nen anengneng na saray totood Israel a naplag a nanlapud tawen so apoy tan pinano na liwawa so Timplo, dinmakmomo ran anggad dalin, inggalang day Dios tan indayew da lapud kaabigan tan ag mangoman a panangaro to.

2 Saray Awaran 32:8

Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo. Apabiskeg so linawa da ray totoo lapud sarayan balikas na ari ra.

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.