Exodo 38:9 - Maung a Balita Biblia

⁹ Saray pinon linen a kurtina so ginawa ton pinagkaalar na Tuldan Ayamay Katawan. Diad dapag ya abalaten say karokey na kurtina et limamplon yarda,

Maung A Balita Biblia

⁹ Saray pinon linen a kurtina so ginawa ton pinagkaalar na Tuldan Ayamay Katawan. Diad dapag ya abalaten say karokey na kurtina et limamplon yarda,

Exodo 38:9 Referans Kwoze

Saray Salmo 100:4

Loob kayod saray puirta na Timplo a misasalamat kayo; laka yod saray patio to a mangidadayew kayo. Misalamat tan mangidayew kayod sikato.

Saray Salmo 92:13

Singa ra kiew ya intanem ed abung na Katawan, ya onsasalumpapak ed Timplo na Dios tayo;

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

Saray Salmo 84:10

Say sanagew a panayam ed Timplom et magmaung ni nen say sanlibon agew a panayam ed arum a pasen; labay ko niy manalagey ed puirtay abung na Dios ko, nen say manayam ed tulda na saray totoon maoges.

Saray Salmo 84:2

Labalabay kon tuloy so makaloob diman! Pampilpilalekan koy manayam ed Timplo na Katawan. Diad intiron pusok sililiket ak a mankankanta ed mabilay a Dios.

1 Saray Arari 6:36

Nipaalagey ed arap na Timplo so patio; aliber na padir a walay sidron panuksolan ed tapew na kapag mikatlon tinabas a bato.

Exodo 40:33

Inlira nen Moises so pinagkaalar ed kaliber-liber na Tulda tan altar, insan imbitin tod lolooban na samay pinagkaalar so kurtina. Ontan sirin asumpal to iray amin a kimey.

Exodo 40:8

Iliram so pinagkaalar to tan ibitin mod lolooban to so kurtina to.

Exodo 26:1

Igawaan mo so dalem na Tuldan Ayamay Katawan na samploran kurtina a pinon linen. Asul, purpura, tan ambalanga so tinebey da tan bordaan mo ra na saray kirubin.

Exodo 38:10

nisabit ira ed duamplon gansan lusek a nipatoon ed duamplon dapan a gansa, tan wala ray pilak a panagkawit tan sangal to.

Saray Bilang 4:26

saray kurtina tan saray lobir a para solar ed kaliber-liber na Tulda tan say altar, saray kurtinad lolooban na solar tan amin ya ikakanad pangilira ed sarayan kagawaan. Gawaen day amin a kimey a nakaukolan ed sarayan bengatla.

Saray Bilang 3:26

saray kurtina na solar a walad kaliber-liber na Tulda tan say altar, tan say kurtina na lolooban na solar. Sikaray makaoley ed amin a kimey a nipaakar ed sarayan bengatla.