Exodo 28:3 - Maung a Balita Biblia

³ Paawit mo ray amin a marunong a mandait ya initdan ko na karunongan, tan ibagam ed sikara ya igawaan day Aaron na kawes to, ta sikatoy isaklang a sakey a pari a manlingkur ed siak.

Maung A Balita Biblia

³ Paawit mo ray amin a marunong a mandait ya initdan ko na karunongan, tan ibagam ed sikara ya igawaan day Aaron na kawes to, ta sikatoy isaklang a sakey a pari a manlingkur ed siak.

Exodo 28:3 Referans Kwoze

TAGA-EFESO 1:17

tan kekerewen kod mapagalang tan makapanyarin Ama a Dios na Katawan tin Jesus-Cristo, ya itdan to kayo komuy Ispiritu. Sikatoy mangiter ed sikayoy kakabatan, tan ipaamta tod sikayoy Dios, pian nakabatan yo.

Isaias 11:2

Say ispiritu na Katawan so manayam ed sikato tan mangiter ed sikato na kakabatan, pakatalus, tan karonungan a manoley ed saray totoo to. Naamtaan toy linawa na Katawan tan pagalangan toy Katawan,

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Deuteronomio 34:9

Si Josue a lakin anak nen Nun et napno na kakabatan, lapud tinoro nen Moises a kasalat to. Inonur na saray totood Israel si Josue tan sinumpal da ray ganggan ya inter ed sikara na Katawan diad panamegley nen Moises.

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

Exodo 35:35

Initdan to ra na karunongan a manggawa ed amin a klasiy kimey a gagawaen na saray managtatak na arti, managgolis na arti, tan managinaramey na pinon linen; asul, purpura, tan ambalangan lana; tan arum ni ran abel. Nayarian da a gawanen so antokaman a kimey tan marunong iran mangigolis na arti.

Exodo 35:30

Si Moises kuantod saray Israelita, Say Katawan pinili toy Bezalel a lakin anak nen Uri tan apo nen Hur a kabyangan na boleg nen Juda.

Exodo 35:25

Amin iray bibiin marunong a mankimey angyaakar ira na ginagawa ran pinon linen a tinebey tan saray tinebey ya asul, purpura, tan ambalanga.

Exodo 35:31

Say Dios pinano to na pakayari to tan initdan to na karunongan, pakayari, tan pakatalus a manggawa na antokaman a kimey ya inartian,

Exodo 36:1

Si Bezalel, si Oholiab, tan amin nin arum a marunong a kumikimey, ya angiteran na Katawan na karunongan tan pakatalus a manggawa na antokaman a nakaukolan ed pangipaalagey na Tuldan Ayamay Katawan, et nepeg a gawaen day amin a bengatla onung na ingganggan na Katawan.

1 Saray Arari 7:14

Inatey lay ama ton taga met Tiro tan marunong met a pumapanday na gansa; kabyangay tribu nen Neftali so ina to. Maung ya impanolo si Hiram tan abayag lan pumapanday na gansa. Inmabubon ed labay na ari a sikatoy makaoley ed saray kimey a nipaakar ed gansa.

Exodo 35:10

Dago kayon amin a marunong a kumikimey, ta gawa yoy amin ya ingganggan na Katawan:

Exodo 36:2

Si Moises tinawag to ra di Bezalel, Oholiab tan amin nin arum a lalakin marunong a mankimey ya angiteran na Katawan na karunongan tan maliket iran ontulong, tan imbaga nen Moises ed sikara ya igapo da lay mankimey.