Exodo 24:4 - Maung a Balita Biblia

⁴ Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Maung A Balita Biblia

⁴ Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Exodo 24:4 Referans Kwoze

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.

Genesis 28:18

Kasabiy kabwasan, asaksakbay a binmangon si Jacob, inala to may baton dinanganan to, insan to inapiapiger ya impaalagey ya inlira a sakey a pakanudnunotan. Kinalboan toy larak na oliba a pangisaklang tod Dios.

Puyan 21:14

Say padir na siudad inletneg ed labinduan bato, tan akasulat ed saraya so kangaranan da ray labinduan apostol na Kordiro.

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

Lucas 22:30

pian mangan tan oninom kayo ed lamisaan ko diad Panarian ko, tan onyorung kayo met ed saray trono a manintinsia ed saray labinduan tribu na Israel.

Esdras 6:17

Nen isaklang day Timplo, angibagat ira na sanlasus a bakan kalakyan, duan lasus a karniro, tan apat a lasus a kordiro. Angisaklang met ira na labinduan kanding a bagat para kasalanan; sakey a bagat so para balang sakey a tribu ed Israel.

1 Saray Arari 11:30

nilakseb to, impankalabindua to,

Josue 4:20

Inlirad man nen Josue ira may labinduan baton inala rad Jordan.

Saray Bilang 17:2

Ibagam ed saray totood Israel ya itdan da kay labinduan baston, sakey so manlapud kapag pangulo na balang tribu. Isulat mo so ngaran na balang pangulo ed baston to

Levitico 24:5

Mangala kayoy samplora tan kapalduan kilon arina, ta manggawa kayoy labinduan tinapay.

Exodo 28:21

Diad kapag sakey ed sarayan labinduan bato say sakey a ngaran na lakin anak nen Jacob et itatak; sikaray pakanudnunotan ed saray labinduan tribu na Israel.

Genesis 31:45

Angala sirin na bato si Jacob tan impaalagey tod man a sakey a pakanudnunotan.

Genesis 28:22

sayan bato a ginawak a pakanudnunotan et magmaliw a pasen a pangigalangan ed sika, tan iter koy kakaplo na amin ya iter mod siak.

Exodo 17:14

Insan say Katawan kuantod kinen Moises, Isulat mo yan impanalo, pian ag nalingwanan. Ibagam ed kinen Josue a sigput kon deralen iray Amalecita.

Exodo 17:15

Amaalagey na altar si Moises tan tinawag to na Say Katawan so Bandirak.

Exodo 21:1

Iter mod saray Israelita iray onggendan a ganggan:

Exodo 24:7

Insan to inala so libro na sipanan, tan maksil ton imbasa ed saray totoo. Inkuanda, Onuren mi so Katawan tan gawaen mi ray amin ya ingganggan to!

Exodo 34:27

Say Katawan kuantod kinen Moises, Isulat mo ra yan salita, ta sikara yay letnegan na pisisipanan kod sika tan say Israel.

Isaias 19:19

No onsabiy tan a panaon, nawalaan na altar a para Katawan so Egipto tan say sakey a masanton lusek a nisaklang ed sikato diad Egipto.

Genesis 12:7

Pinmanengneng so Katawan ed kinen Abram tan inkuantod sikato, Sikato yay bansa ya iter kod saray kabyangay boleg mo. Nanggawad may Abram na altar a para Katawan a pinmanengneng ed sikato.

Josue 4:5

tan inkuantod sikara, Laka yod man ed Jordan diad onaan na Kaban na Sipanan na Katawan a Dios yo. Balang sakey ed sikayo et manakbat na sakey a bato a para balang tribu na Israel.

1 Saray Arari 18:31

Angalay labinduan bato, sakey so para kapag sakey a tribu ya inngaran onung ed saramay labinduan anak nen Jacob, say lakin angitdan na Katawan na ngaran ya Israel.

Nehemias 10:1

Say inmonan nampirma et say Gobirnador a si Nehemias a lakin anak nen Hacalias, insan sinmoblay si Sedekias. Nampirma met iray onggendan: