Exodo 23:26 - Maung a Balita Biblia

²⁶ Diad dalin yo anggapoy biin naekalan, o biin lepes. Itdan ta kayo na andokey a bilay.

Maung A Balita Biblia

²⁶ Diad dalin yo anggapoy biin naekalan, o biin lepes. Itdan ta kayo na andokey a bilay.

Exodo 23:26 Referans Kwoze

Deuteronomio 7:14

Anggapoy arum a bansa a nabindisionan a mapalalo nen say sikayo. Anggapod sikayo tan anggan saray ayayep yo so magmaliw a lepes.

Say Libro nen Job 5:26

Mambilay kay andokey, a singa trigon ontatakken ya anggad panagani.

Deuteronomio 28:4

Say Katawan bindisionan to kayo na amayamay ya anak, daakan a bunga na saray tanaman, tan amayamay a baka tan karniro.

Say Libro nen Job 21:10

On, manlolokun iray baka ra, tan manaanak iran anggapoy maoges a nagagawa.

Isaias 65:20

Anggapo lay ompatey ya ogogaw ya ankekelag, tan amin a totoo et nasabi ray nigetar a panaon a pambilay da. Nipasen a malangwer ni so toon nasabi toy sanlasus taon. Mapatnag a dinusak iray ompatey kasakbayan a nasabi ray sanlasus taon.

Saray Salmo 144:13

Napano komun iray kamalir mi na amin a bungay tanaman. Libo-libo komuy iyanak na saray karniro ed kaalogan mi.

Saray Salmo 107:38

Binindisionan to ray totoo to et nanaanak iray amayamay; ag to inabuloyan ya ondaiset iray baka ra.

Genesis 35:29

kanyan mataktakken la nen inatey. Imponpon na saray anak to a di Esau tan Jacob.

1 Saray Awaran 23:1

Nen masikesiken lay David ginawa ton ari na Israel si Solomon ya anak to.

Say Libro nen Job 42:17

Masikesiken lan inatey si Job.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Saray Salmo 90:10

Pitomploy taon labat so karokey na bilay mi, o walomplo no mabiskeg kami; anggaman ontan, ermen tag segsegang labat so iiter dad sikami; nanagonuyan, anggapo lay bilay mi tan naandipat kami la.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.

Oseas 9:14

Antoy kerewen kod sikan gawaen mod sarayan totoo? Pagmaliw mo pan lepes iray kaasawaan da! Pagmaliw mo pa ran ag makapanpasusod saray anak da.