Exodo 2:11 - Maung a Balita Biblia

¹¹ Nen baleg lay Moises dinalaw to ray agagi ton Hebreo, et naimatunan toy kakairapan da. Anengneng nen Moises so sakey ya Egipsio a mamapatey ed sakey a Hebreo a kadalaan to.

Maung A Balita Biblia

¹¹ Nen baleg lay Moises dinalaw to ray agagi ton Hebreo, et naimatunan toy kakairapan da. Anengneng nen Moises so sakey ya Egipsio a mamapatey ed sakey a Hebreo a kadalaan to.

Exodo 2:11 Referans Kwoze

Exodo 1:11

Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Lucas 4:18

Walad siak so Ispiritu na Katawan, ta pinili to ak a mampulong na Maung a Balita ed saray mairapbilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Mateo 11:28

Dago kayod siak, amin yon nakekesawan ed panaawit yoy ambelat, ta pampainawaen ta kayo.

Isaias 58:6

Say labay kon panagayuno saya: Okbar yoy golungolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Exodo 3:7

Insan say Katawan inkuanto, Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Exodo 5:14

Binabakbak na saramay opisyal iray kapatas ya Israelita ya impasen dan makaoley ed kimey. Et tinepet da, Akin et kulang nen samay gendat a gagawaen yo so ginawa yo natan?

Exodo 5:9

Itdan yo ray ambebelat a kimey; ag yo ra pampapainawaen, pian anggapoy panaon dan ondengel ed saray salitan tila-tila.

Exodo 5:4

Inkuan na ari ed kindi Moises tan Aaron, Antoy labay yon ibaga diad pamatonda yo ed saray totoon mankimey? Papawil yon mankimey ira man ya aripen!

Exodo 5:5

Dakerakel kayo lan Israelita nen saray Egipsio. Natan balet, labay yo ran patondaen ed saray kimey da!

Exodo 6:6

Kanyan ibagam ed saray Israelita a sayay kuankod sikara, Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.