Exodo 19:12 - Maung a Balita Biblia

¹² Diad kaliber-liber na palandey mananda kay ketegan ya ag nepeg a labsanan na saray totoo, tan ibagam ed sikara ya ag da kalaben, odino diwiten so palandey. No walay ondiwit ed palandey, sikatoy nepeg a pateyen;

Maung A Balita Biblia

¹² Diad kaliber-liber na palandey mananda kay ketegan ya ag nepeg a labsanan na saray totoo, tan ibagam ed sikara ya ag da kalaben, odino diwiten so palandey. No walay ondiwit ed palandey, sikatoy nepeg a pateyen;

Exodo 19:12 Referans Kwoze

Josue 3:4

Ag kayo ni dia akakar nen saman, kanyan ibasbas da kayo no iner so laen yo. Balet ag yo aasinggeran so Kaban na Sipanan; dia kayod beneg to tan arawian yo na walon lasus mitro.

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 2:4

Imbaga tod siak ya ibagak ed sikayo ray onggendan a bilin: Ngalngali yo la nabatak so kapokdulan a dalin na Edom, say dalin na saray kakanayon yo a saray kabyangay boleg nen Esau. Ontakot irad sikayo,

Exodo 34:12

Ag kayo misisipanan ed saray totood bansa a laen yo, ta nayarin patit ya ed sikayo.

Exodo 19:23

Si Moises kuantod Katawan, Ag nayarin onkalab ed palandey iray totoo, lapud ingganggan mod sikamin ipasen min masanto so palandey tan mananda kami na ketegan ed kaliber-liber to.

Exodo 19:21

tan say Katawan kuantod sikato, Akseb ka, ta pasakbayan mo ray totoo ya ag da lalabsanan so ketegan diad idago ran onnengneng ed siak; no onlabsan ira, dakel ed sikaray ompatey.

Exodo 10:28

Inkuantod kinen Moises Arawi ka diad arap ko! Ag ka la ompapanengneng ed siak! No nanengneng ta ka ni, andi-saew ya ompatey ka!

Saray Hebreo 12:18

Ag kayo inmasingger, a singa inyasingger na saray Israelita nen saman, ed sakey a palandey a nayarin diwitendiad Palandey na Sinai a kawalaay manliub ya apoy, bilonget tan ermen, maksil a dagem,

Exodo 34:3

Anggapoy nepeg a milad sika; anggapoy toon nepeg a nenengneng ed anggan iner a pasen na palandey; nepeg met ya anggapo so karniro odino baka a mankabkab ed alusadsar na palandey.

Exodo 24:2

Sika labat tan anggapo lay arum so onsingger ed siak. Saray totoo et ag ira anggan onkalab a kaibam.