Exodo 18:16 - Maung a Balita Biblia

¹⁶ No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.

Maung A Balita Biblia

¹⁶ No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.”

Exodo 18:16 Referans Kwoze

Exodo 24:14

Inkuanen Moises ed saray pangulo, Manalagar kayod kampo ya anggad ipawil mi dia. Wadyan kaiba yo ra di Aaron tan Hur; siopaman a walay problima to onlad sikara.

1 CORINTO 6:1

No say sakey ed sikayo et walay riklamo ton sumlang ed sakey ya agi, mangisigep kasiy kaso ed saray huis a pagano, ya ag to paarigload saray totoon pinili na Dios?

2 Samuel 15:3

ikuanen Absalom, Nengneng mo, walay katonungan mo, balet anggapoy toon tinoro na ari a manalaysay na kasom.

Deuteronomio 5:1

Impantitipon nen Moises iray amin a totood Israel tan kuantod sikara, Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 4:5

Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.

Say Libro nen Job 31:13

Nen nanriklamo ed siak so sakey ed saray aripen ko, dinengel ko tan ginawak so kanepegan ko.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

Deuteronomio 6:1

Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Saray Bilang 15:35

Insan say Katawan kuantod kinen Moises, Satan a too et nepeg a pateyen; tupaken na amin a totoo diad paway na kampo.

Levitico 24:15

Insan ibagam ed saray totood Israel a siopamay mansalita na maoges sumpad Dios nepeg a pandusaan toy maoges a ginawa to

Exodo 23:7

Ag kayo mantitila ed pandalem yo, tan ag yo papateyen so toon matonung tan anggapoy kasalanan, ta ag ko ipasen a matonung so toon manggawa na ontan a kaogsan.

Exodo 2:13

Diad ontombuk ya agew pinmaway si Moises tan anengneng to ray duaran Hebreo a manlalaban. Inkuantod samay nankasalanan, Akin et kakabilen moy kaparam a Hebreo?

Exodo 18:17

Insan si Jetro kuanto, Aliway panggagawam.

2 Saray Awaran 19:10

No wala ray kabansaan yon taga inerman a siudad a mangisegep ira na kason nipaakar ed impamatey, odino nipaakar ed impanumlang ed dinanman a ganggan o totontonen, nepeg yo ran bilinen a maung nipaakar ed gawaen da legay bista, pian ag ira mankasalanan ed Katawan. No ag yo ya gawaen, ondapod sikayoy pasnuk na Katawan ed sikayo tan saray kabansaan yo. Balet no gawaen yoy kanepegan yo, ag kayo mankasalanan.