Exodo 12:6 - Maung a Balita Biblia

⁶ Insan diad labi na kumalabinapat ya agew na bulan, say amin a totood Israel et pateyen da ray ayayep a para paskua.

Maung A Balita Biblia

⁶ Insan diad labi na kumalabinapat ya agew na bulan, say amin a totood Israel et pateyen da ray ayayep a para paskua.

Exodo 12:6 Referans Kwoze

Levitico 23:5

Say Paskua a silibraan pamagalang ed Katawan et onggapod kapansironget na kumalabinapat agew na ononan bulan.

Saray Bilang 28:16

Say Pista na Paskua a pamagalang ed Katawan et gawaen ed kumalabinapat agew na ononan bulan.

Saray Bilang 9:11

naabuloyan kayo a mansilibra kalabas na sakey bulan, diad labi na kumalabinapat agew na kumadwan bulan. Akan yo so kordiro a katekep na tinapay ya anggapoy libadura tan ampait iran pisipising.

Exodo 12:18

Manlapud labi na kumalabinapat ya agew na ononan bulan ya anggad labi na kumaduamplo tan sakey ya agew, ag kayo mamangan na tinapay a pinaalsad libadura.

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

Ezekiel 45:21

No kumalabinapat ya agew na ononan bulan, igapo yo so pansilibra na Pista na Paskua. Diad loob na pitoran agew mangan so balang sakey a too na tinapay ya anggapoy libadura.

Exodo 16:12

Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.

Lucas 23:18

Balet nankakasakey ya inmeyag iran amiy totoo, Pateyen itan a too! Si Barabbas so labay min ibolus mo!

Lucas 23:1

Inmalagey iran amin, insan da inyakar si Jesus ed kinen Pilato.

Marcos 15:25

Alas nuibid kabwasan nen impasak dad krus.

Marcos 15:11

Balet saray manonan papari sinogsogan da ray totoo a kerewen dad kinen Pilato ya ibolus toy Barabbas, aliwan si Jesus.

Marcos 15:8

Nen nantitipon sirin iray totoo tan kinerew dad kinen Pilato ya ibolus toy sakey a priso,

Marcos 15:1

Kasabiy kabwasan, nantitipon a namplano ray manonan papari, saray mamatakken na baley, saray iskriba, tan saray arum ni ran kabyangay Sanidrin. Binalur day Jesus, insan da inyakar ed kinen Pilato.

Mateo 27:25

Inmebat iray totoo, Sikami tan saray anak mi so onebat ed ipatey to!

Mateo 27:20

Saramay manonan papari tan saramay mamatakken na baley nilagyat da ray totoo a kerewen dad kinen Pilato ya ibolus toy Barabbas tan papatey to si Jesus.

Saray Bilang 28:18

Diad ononan agew na pista nepeg a mantitipon kayon mangigalang, tan nepeg ya anggapoy kimey a gawaen.

Saray Gawgawa 3:14

Impolisay yo so Masanto tan Matonung tan say managpatey na too la laingen so kinerew yon nibolus.

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Exodo 12:14

Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.

Exodo 12:17

Silibraan yo yan pista, ta diad sayan agew impaway kod Egipto iray tribu yo. Diad anggan kapigan a panaon nepeg yon silibraan yan agew a sakey a pista.

Exodo 12:47

Nepeg a silibraan na amin ya Israelita so sayan pista,

Exodo 16:1

Manlapud Elim pinmikal ya amin iray Israelita, et diad kumalabinliman agew na kumadwan bulan kayari na impanaynan dad Egipto, akasabi rad kalawakan na Sin a nanleetan na Elim tan Sinai.

Exodo 19:1

Saray Israelita tinaynan day Refidim tan diad ononan agew na kumatlon bulan kayari na impanaynan dad Egipto, sinmabi rad kalawakan na Sinai. Nankampo rad man ed alusadsar na Palandey na Sinai.

2 Saray Awaran 35:1

Sinilibraan nen Josias ed Jerusalem so Paskua ya impamagalang tod Katawan; nen kumalabinapat agew na ononan bulan pinatey da ray ayayep a para pista.

Esdras 6:19

Diad kumalabinapat ya agew na ononan bulan na ontombuk a taon, saray totoon pinmawil a manlapud inkibantakan dan bansa et sinilibraan day Paskua.

Exodo 29:39

Ibagat yod kabwasan so sakey a kordiro tan diad labi say sakey.

Exodo 29:41

Ibagat yod labi so kumadwan kordiro, tan tekepan yo na singa karakel na arina, larak na oliba, tan alak a singa samay bagat ed kabwasan. Saya so kakanen a bagat ed siak a Katawan, tan makapaliket ed siak so balingit to.

Josue 5:10

Legan a nankampod Gilgal iray Israelita diad patar ya asingger ed Jerico, sinilibraan da so Paskua diad labi na kumalabinapat ya agew na bulan.