Exodo 10:25 - Maung a Balita Biblia

²⁵ Inmebat si Moises, Ontan sirin, sikay mangiter ed sikami na saray ayayep a para ibagat tan saray bagat a popoolan ya isaklang mi rad Katawan a Dios mi.

Maung A Balita Biblia

²⁵ Inmebat si Moises, “Ontan sirin, sikay mangiter ed sikami na saray ayayep a para ibagat tan saray bagat a popoolan ya isaklang mi rad Katawan a Dios mi.

Exodo 10:25 Referans Kwoze

Levitico 16:9

Si Aaron isaklang toy kanding ya apilin para Katawan tan ibagat ton para kasalanan.

Levitico 9:22

Nen asumpal nen Aaron ya insaklang iray amin a bagat, inyatagey to ray lima to tan impaarap to rad katoowan, tan binindisionan to ra, insan linmasur.

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.

Exodo 10:24

Impaawit na ari si Moises tan kuanto, Nayarian yo lay onla a mangigalang ed Katawan; nayarian yo lan awiten iray bibii tan saray ogogaw. Balet itilak yo dia ray karniro yo, saray kanding yo, tan saray baka yo.

Exodo 10:26

Andi, awiten mi ray ayayep mi; ag kamin balut mangitilak. Sikamin dili so nepeg a mampili na saray ayayep ya ikana mid pangigalang ed Katawan a Dios mi. No ag kami ni akasabid man, ag mi naamtaan no dinan iran ayep so ibagat mid sikato.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.