Exodo 1:7 - Maung a Balita Biblia

⁷ Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Maung A Balita Biblia

⁷ Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Exodo 1:7 Referans Kwoze

Genesis 46:3

Siak so Dios, say Dios nen amam, inkuanto. Ag ka natatakot ya onlad Egipto; gawaen kod man a baleg a bansa iray kabyangay boleg mo.

Deuteronomio 26:5

Insan diad arap na Katawan ibitla yo ra yan salita: Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Genesis 1:28

binindisionan to ra, tan inkuantod sikara, Mamparakel kayoy anak, makmakan yoy intiron mundo, tan oleyan yo. Oleyan yo ray sira, saray manok, tan amin iray ayayep.

Genesis 47:27

Nanayam ed Egipto ira may Israelita, diad Gosen; minmayaman ira tan dinmakerakel ira.

Genesis 35:11

Insan inkuan na Dios ed sikato, Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 9:1

Si Noe tan saray anak ton lalaki et binindisionan ira na Dios ya inkuanto, Mamparakel kayoy anak, pian nakayatan day intiron mundo.

Nehemias 9:23

Initdan mo ray anak a say karakel da et singa karakel na bitewen ed tawen; inyabuloy mon nadakep da tan napanayaman da so dalin ya insipan mon iter ed saray lalaki ra.

Deuteronomio 10:22

Nen linmad Egipto iray lalaki yo, pitpitomplo ra labat. Balet natan say Katawan a Dios yo et impagmaliw to kayon singa karakel na bitewen ed tawen.

Genesis 48:4

Inkuantod siak, Parakelen kon maung so kabyangay pamilyam, pian magmaliw ya amayamay a bansa iray kabyangay boleg mo; iter kod saray kabyangay boleg mo yan dalin tan kayaryanen da ed anggad angga.

Genesis 17:16

Bindisionan ko tan makaanak kad sikato na sakey a laki. Bindisionan ko, et magmaliw ya ina na saray bansa, tan wala ray magmaliw ya arari ed saray kabyangay boleg to.

Saray Salmo 105:24

Say Katawan initdan to na amayamay ya anak iray totoo to, tan ginawa to ran mabiskeg nen saray kalaban da.

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Genesis 22:17

isipan ko ya itdan ta ka ray kabyangay boleg mo a singa karakel a bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

Genesis 1:20

Insan ingganggan na Dios, Sikan danum, mamawala ka na amayamay a klasiy mabilay a bengatla, tan sikan liwang, mamawala ka na amayamay a klasiy manok.

Exodo 12:37

Manlapud Ramases nanakar ya amaarap ed Sukot iray Israelita. Sakey ya anem a lasus libo ran lalaki, ya andi bali ray bibii tan saray ogogaw.

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Genesis 15:5

Say Katawan pinapaway to tan inkuanto, Nengneng moy tawen tan salim a bilangen iray bitewen; ontan naani so karakel na saray kabyangay boleg mo.

Saray Gawgawa 13:17

Say Dios na bansay Israel pinili to ray lalaki tayo tan ginawa to ran matalonggaring a totoo nen manaayam irad Egipto. Impaway to rad man diad panamegley na baleg a pakayari to,

Genesis 26:22

Tinmaynan diman tan nankotkot lamet na sananey a bobun. Anggapoy kolkolan ed saya, kanyan inngaran toy Kawayangan. Inkuanto, Natan onaligwas itayo dia, ta dia so angiteray Katawan ed sikatayo na kawayangan.

Exodo 1:12

Balet no panoy impanpapairap na saray Egipsio ed saray Israelita, lalon ondarakel ira tan onaawang so pasen a panaayaman da. Apagaan ed satan iray Egipsio ed saray Israelita,

Exodo 5:5

Dakerakel kayo lan Israelita nen saray Egipsio. Natan balet, labay yo ran patondaen ed saray kimey da!

Saray Salmo 107:38

Binindisionan to ray totoo to et nanaanak iray amayamay; ag to inabuloyan ya ondaiset iray baka ra.

Ezekiel 16:7

Pinabaleg ta kan singa malambut a tananam. Binmaleg kan mabiskeg, atagey tan nagmaliw kan malangwer a marikit. Balibaliy impanpagew mo tan dinmokey so buek mo, balet lakseb-labus ka.