Exodo 1:12 - Maung a Balita Biblia

¹² Balet no panoy impanpapairap na saray Egipsio ed saray Israelita, lalon ondarakel ira tan onaawang so pasen a panaayaman da. Apagaan ed satan iray Egipsio ed saray Israelita,

Maung A Balita Biblia

¹² Balet no panoy impanpapairap na saray Egipsio ed saray Israelita, lalon ondarakel ira tan onaawang so pasen a panaayaman da. Apagaan ed satan iray Egipsio ed saray Israelita,

Exodo 1:12 Referans Kwoze

Saray Salmo 105:24

Say Katawan initdan to na amayamay ya anak iray totoo to, tan ginawa to ran mabiskeg nen saray kalaban da.

Exodo 1:9

Sayan ari inkuantod saray totoo to, Makapataktakot la ra yan Israelita, ta dakerakel tan makapanyari la ra nen say sikatayo.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Juan 12:19

Inkuan sirin na saray Pariseo ed sakey tan sakey, Anggapo lay nagawaan tayo! Nengneng yo, ontotombuk la ray amin a totood sikato!

Say Libro nen Job 5:2

Inaambagel tan andi-kakanaan so alablabas a panggunigon tan pansakit na linawa.

Probirbio 27:4

Maruksa tan makaderal so pasnuk, balet ag nayarin ipara ed imon.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Exodo 1:20

Lapud sarayan manamianak et walay takot dad Dios, tinumangan ira na Dios tan initdan to ray anak da. Ag tinmonda so indakel na saray Israelita tan nagmaliw iran makapanyarin tuloy.

Genesis 46:3

Siak so Dios, say Dios nen amam, inkuanto. Ag ka natatakot ya onlad Egipto; gawaen kod man a baleg a bansa iray kabyangay boleg mo.

Saray Bilang 22:3

mapalaloy inkataktakot to, pati saray amin a totoo to.

Deuteronomio 26:5

Insan diad arap na Katawan ibitla yo ra yan salita: Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Nehemias 9:23

Initdan mo ray anak a say karakel da et singa karakel na bitewen ed tawen; inyabuloy mon nadakep da tan napanayaman da so dalin ya insipan mon iter ed saray lalaki ra.

Saray Salmo 107:38

Binindisionan to ray totoo to et nanaanak iray amayamay; ag to inabuloyan ya ondaiset iray baka ra.