Exodo 1:11 - Maung a Balita Biblia

¹¹ Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Maung A Balita Biblia

¹¹ Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Exodo 1:11 Referans Kwoze

Genesis 15:13

Inkuan na Katawan ed sikato, Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Exodo 3:7

Insan say Katawan inkuanto, Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Exodo 2:11

Nen baleg lay Moises dinalaw to ray agagi ton Hebreo, et naimatunan toy kakairapan da. Anengneng nen Moises so sakey ya Egipsio a mamapatey ed sakey a Hebreo a kadalaan to.

Genesis 47:11

Si Jose impanayam tod Egipto si ama to tan saray agagi to, tan inter tod sikaray sankamaungan a dalin a walad abay na siudad na Rameses, onung na ingganggay ari.

Saray Salmo 81:6

Inekal kod takeb yo iray kairapan a sasakbaten yo; impaigatun kod sikayo ray laryon sankabembenan yo.

Deuteronomio 26:6

Pinairap kami na saray Egipsio tan pinasoot da kamin nankimey ta aripen da kami.

Saray Bilang 20:15

no panon so inyakar ed Egipto na saray lalaki mi, a dimay nanayaman mi na pigapigay taon. Saray Egipsio et pinapairap da ray lalaki mi tan ontan met ed sikami.

Probirbio 27:4

Maruksa tan makaderal so pasnuk, balet ag nayarin ipara ed imon.

Saray Salmo 105:13

Nansosoblay so nanaayaman da ran bansa tan saray nanarian.

Saray Salmo 68:13

saray malapatin pilak a mankidyam iray puron balituk a payak da. (Akin et nanayam iray arum ed sikayo ed kawalaan da ray koral na saray karniro nen agew na bakal?)

2 Saray Awaran 8:4

tan niliber to na padir so siudad na Palmyra ed kalawakan. Pinasimbalo ton inletneg ya amin iray siudad ed Hamat a panangisempenan ira na abasto.

1 Saray Arari 9:19

saray baley a panagsinupan na saray abasto to, saray baley a kawalaan da ray kabayo tan saray karwahi to, tan saray arum a nilabay ton inpaalagey ed Jerusalem, diad Libano, tan diad saray arum a pasen ed nanarian.

Exodo 5:15

Insan saramay opisyal linma rad ari, ta nandalem ira. Inkuanda, Akin et onyay gagawaen mod sikami, Kagalang ya Ari?

Exodo 5:10

Pinmaway ira may opisyal tan saramay kapatas ya Israelita tan linma rad saray Israelita. Inkuandad saray Israelita, Imbaga na ari ya ag to kayo la itdan na dayamin ikana yo.

2 Saray Awaran 16:4

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, tan amin da ray siudad na Neftali a panangisempenan ira na saray abasto.

Saray Salmo 129:1

Ibagam pad sikami, Israel, so ontan lan impamairap ed sika na saray kalaban mo, nanlapu lad impanogaw mo!

Exodo 5:8

Ag yo babawasan so gendat a bilang na saray laryon gagawaen da. Mangingiras ira, kanyan lawas dan kekerewen ya abuloyan ko ran mangibagat ed Dios da!

Saray Salmo 129:2

Nanlapud lad impanogaw ko, mapalalon pinapairap ak na saray kalaban ko, balet ag da ak atalo.