Ester 9:3 - Maung a Balita Biblia

³ Diad tuay tua, amin da ray opisyal ed balang luyagsaray gobirnador, saray makaoley, tan saray mangilalaman na aritinmutulong irad saray Judio lapud antakot ira ed kinen Mardokeo.

Maung A Balita Biblia

³ Diad tuay tua, amin da ray opisyal ed balang luyag—saray gobirnador, saray makaoley, tan saray mangilalaman na ari—tinmutulong irad saray Judio lapud antakot ira ed kinen Mardokeo.

Ester 9:3 Referans Kwoze

Esdras 8:36

Inala da may kaletan ton inter ed sikara na ari, insan da inyawat ed saray gobirnador tan saray opisyal na Luyag na Sagur na Eufrates. Sarayan angyawatan da et tinmutulong ira ed saray totoo tan diad panangigalang ed Timplo.

Daniel 3:2

Insan say ari ingganggan tod amin ya opisyal to a mantitipon irasaray prinsipi, saray gobirnador, saray bokal, saray huis, saray tisoriro, saray piskal, tan amin da ray arum ya opisyal na saray luyag. Mantitipon ira, ta onimatun ira ed pangisaklang na samay talintaon impaalagey nen Ari Nabucodonosor.

Ester 8:9

Agawa ya nen kumaduamplo tan talon agew na kumatlon bulan, say bulan na Sivan. Tinawag nen Mardokeo iray sikritario na ari tan angidikta na saray sulat a para saray Judio, tan saray gobirnador, saray makaoley, tan saray opisyal na amin iray sanlasus tan duamplo tan piton luyag, manlapud India ya anggad Sudan. Nipawit ira yan sulat ed balang luyag onung ed dilin salita tan panagsulat diman; Nipawit met ira ed saray Judio onung ed dilin salita tan panagsulat da.

Ester 8:5

No labay na Kagalang ya Ari, tan no abagayen mo ak tan isisipen mon matonung a gawaen, pikasik a mangipakseb kay ganggan ya ag la ituloy ira may ganggan nen Hamansaray ganggan a sayan anak nen Hamedata a kabyangay boleg nen Agag et impaakseb to a pamatey ed saray amin a Judio ed intiron impirio.

Ester 3:12

Kanyan diad kumalabintalon agew na ononan bulan, tinawag nen Haman iray sikritario to tan indikta tod sikara so sakey a ganggan a nepeg ya ipatalus ed amin a salita tan ikorit ed amin a panagsulat ed intiron impirio tan nepeg ya ipawit ed amin da ray manoley, gobirnador, tan opisyal. Nipaakseb ed ngaran nen Ari Asuero, tan atimbrian na samay singsing to.

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:

Ester 8:17

Inerman a luyag o siudad ya angibasaan ed samay ganggan na ari, nampipista ray Judio, nanliliket, tan nanggagayaga ra. Dakel ed saray arum a totoo so nagmamaliw a Judio, lapud antakot da la ra.