Ester 3:4 - Maung a Balita Biblia

⁴ Agew-agew dan tatanggoyuren ya ontoluk, balet ag to ra dengelen. Impaliwawa to, Sakey ak a Judio, kanyan ag ko nayariay ontuek ed kinen Haman. Kanyan imbaga ra yad kinen Haman, ta manduaruwa ra no palabasen kasi nen Haman yan gagawaen nen Mardokeo.

Maung A Balita Biblia

⁴ Agew-agew dan tatanggoyuren ya ontoluk, balet ag to ra dengelen. Impaliwawa to, “Sakey ak a Judio, kanyan ag ko nayariay ontuek ed kinen Haman.” Kanyan imbaga ra yad kinen Haman, ta manduaruwa ra no palabasen kasi nen Haman yan gagawaen nen Mardokeo.

Ester 3:4 Referans Kwoze

Genesis 39:10

Anggaman ya inagew-agew ton kerewen a manakdul ira, ag labay nen Jose.

Jonas 1:9

Sakey ak a Hebreo, ebat nen Jonas. Mangigagalang ak ed Katawan a Dios na tawen, say nanggawad dalin tan say dayat.

Daniel 6:13

Insan inkuandad ari, Si Daniel a sakey ed saray nibantak a nanlapud Juda et ag to papagalangan so Kagalang ya Ari odino oonuren so ganggan ya impaakseb mo. Inagew-agew a mamitlon mampikasi.

Daniel 3:12

Wala ray pigaran Judio ya impasen mo ran makaoley ed luyag na Babilonia, a di Sadrac, Mesac, tan Abednego a susumlangen da ray ganggan mo, Kagalang ya Ari. Ag da igagalang so dios mo odino ondadakmomo ed samay talintaon impaalagey mo.

Esdras 1:3

Niwala komuy Dios ed sikayon amin a totoo to. Nepeg yoy onla ed Jerusalem na Juda, ta ipaalagey yo lamet so Timplo na Katawan, say Dios na Israel, say Dios a gagalangen ed Jerusalem.

Ester 3:3

Tinepet ed sikato na saray arum ya opisyal a manlilingkur ed ari no akin et ag to oonuren so ganggan na ari.

Ester 3:5

Mapalaloy pasnuk nen Haman nen akabatan ton ag to napatalimukor tan ag to napatuek ed sikato si Mardokeo.