Ester 3:11 - Maung a Balita Biblia

¹¹ Inkuan na Ari ed sikato, Kayaryan mo ray totoo tan saray kuarta ra; gawam ed sikaray labay mo.

Maung A Balita Biblia

¹¹ Inkuan na Ari ed sikato, “Kayaryan mo ray totoo tan saray kuarta ra; gawam ed sikaray labay mo.”

Ester 3:11 Referans Kwoze

Lucas 23:25

Imbolus to may toon papaibolus da, samay apriso lapud impanggolo tan impamatey to. Insan impalima toy Jesus ed sikara, pian nagawaan dad sikato so labay da.

Jeremias 40:4

Ekalen ko la natan iray golunggolung ed ngalngalowan mo tan ibolus ta ka la. No labay moy milad siak ed Babilonia, nayari tan asikasoen ta ka. Balet no ag mo labay, andi bali. Napampilyan mo so intiron bansa; nayarian moy onla ed anggan iner a labay mo.

Jeremias 26:14

No para say siak, wala ak ed silong na pakayari yo! Gawa yod siak labat so antokaman ya amta yon kaptekan tan kamaungan.

Saray Salmo 73:7

ompapaway so kaogsan ed kapusoan da, tan ag ontotondan mamplano na kaogsan iray kanunotan da.

Ester 3:10

Inekal na ari so singsing to ya ikakana tod pantimbri na saray ganggan, pian magmaliw iran opisyal a ganggan. Insan to inter ed toon kalaban na saray Judio, si Haman a lakin anak nen Hamedata a kabyangay boleg nen Agag.

Ester 3:12

Kanyan diad kumalabintalon agew na ononan bulan, tinawag nen Haman iray sikritario to tan indikta tod sikara so sakey a ganggan a nepeg ya ipatalus ed amin a salita tan ikorit ed amin a panagsulat ed intiron impirio tan nepeg ya ipawit ed amin da ray manoley, gobirnador, tan opisyal. Nipaakseb ed ngaran nen Ari Asuero, tan atimbrian na samay singsing to.