Esdras 9:3 - Maung a Balita Biblia

³ Nen nadngel ko ya, pinipilat koy kawes ko diad pangipanengneng koy ermen ko, ginogonut koy buek ko tan say balbas ko, insan ak inmirung a mapalaloy ermen ko.

Maung A Balita Biblia

³ Nen nadngel ko ya, pinipilat koy kawes ko diad pangipanengneng koy ermen ko, ginogonut koy buek ko tan say balbas ko, insan ak inmirung a mapalaloy ermen ko.

Esdras 9:3 Referans Kwoze

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Mikias 1:16

Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.

Daniel 8:27

Siak, si Daniel, kinmapoy ak tan nansakit ak a pigaran agew. Insan ak binmangon tan pinmawil ed kimey ya impalima na ari ed siak, balet nikelawan ak ed pasingayew tan ag ko natalusan so kabaliksan to.

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, Ag ka mapaga lapud samay kogip tan say labay ton ibaga. Inmebat si Beltsasar, Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Ezekiel 3:15

Kanyan linma ak ed Tel Abib ed gilig na Ilog na Kebar a dimay panaayaman na saray nibantak ya Israelita, tan diad loob na pitoy agew ya impanayam kod man, ag ak akaskasel lapud saramay anengneng tan nadngel ko.

Jeremias 36:24

Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Jeremias 7:29

Manermen kayo, sikayo ran totood Jerusalem; potut yoy buek yo, insan yo ibantak. Manogtog kayod toktok na kapok-dulan na makapaermen, ta siak, say Katawan, impolisay tan inkaindan ko ra yan totoo a pamapasnukan ko.

Isaias 15:2

Onkakalab ed pokdul iray totood Dibon, ta mannangis iray man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Saray Salmo 143:4

Kanyan nanaekalan ak lay ilalo; mapalaloy paneermen ko.

Saray Salmo 66:3

Kuanyod Dios, Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

Nehemias 13:25

Nampasnukan ko ra may lalaki tan insambak ira. Pinepepekpek ko ra tan inggogonut ko ra. Impansambak ira diad ngaran na Dios ya ag la ra mangasawa na saray bibiin taga arum a bansa.

2 Saray Arari 18:37

Kanyan diad ermen di Eliakim, Sebna, tan Joas, pinilat day kawes da, linma la ra, insan imbalita rad ari so imbaga na samay opisyal na Asiria.

Levitico 21:5

Say pari ag nepeg a labahasan toy anggan dinan a parti na olo to, ni potutan toy balbas to odino salsalgeren toy laman to diad pangipanengneng toy paneermen to.

2 Samuel 1:11

Diad ermen nen David pinilat toy kawes to, tan onya met so ginawa na saray totoo to.

Saray Salmo 119:53

Mapalaloy petang na olok, no nanenengneng ko ray totoon maoges a susumlangen day ganggan mo.