Esdras 5:15 - Maung a Balita Biblia

¹⁵ Imbagad sikato na impirador ya alaen to ra, insan to ra ipawil ed Timplo ed Jerusalem, tan ipaalagey to so Timplo ed inalageyan ton gendat.

Maung A Balita Biblia

¹⁵ Imbagad sikato na impirador ya alaen to ra, insan to ra ipawil ed Timplo ed Jerusalem, tan ipaalagey to so Timplo ed inalageyan ton gendat.

Esdras 5:15 Referans Kwoze

Esdras 6:3

Diad ononan taon na impanoley nen Impirador Ciro, ingganggan ton ipaalagey lamet ed Jerusalem so Timplo a pambagatan tan pangisaklangan na saray bagat a popoolan. Nepeg a talomplon mitro so kaatagey tan talomplon mitro so kaawang na ipaalagey lamet a Timplo.

Esdras 3:3

Anggaman ya antakot irad saray arum a totoon manaayam ed saman a dalin, impaalagey da lamet so altar ed pasen ton gendat. Insan ginapwan da lamet so nampool ed tapew na altar na saray kinabwasan tan nilabin bagat.

Esdras 1:2

Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 5:14

Impawil to ray balituk tan pilak a kagawaan na Timplo ya inaala ra nen Nabucodonosor ed Timplo ed Jerusalem insan to ra inyan ed timplo ed Babilonia. Impalima nen Impirador Ciro ira yan amin a kagawaan ed sakey a lakin manngaran na Sesbasar ya impasen ton gobirnador na Juda.

Esdras 5:16

Kanyan sinmabiy Sesbasar, insan to inletneg so pundasion; siansia so kimey ya anggad natan, balet ag ni asumpal.