Ecclesiastes 5:14 - Maung a Balita Biblia

¹⁴ Balet lapud makapoy a kipaakaran nabalang day amin a kayamanan da; kanyan anggapoy anto a nipatawir da ed saray anak da.

Maung A Balita Biblia

¹⁴ Balet lapud makapoy a kipaakaran nabalang day amin a kayamanan da; kanyan anggapoy anto a nipatawir da ed saray anak da.

Ecclesiastes 5:14 Referans Kwoze

Aggeo 1:9

Nanilalo kayon makaani na dakerakel, balet dagdaiset so naani yo. Et nen insempet yo ray naani yo intitikyab ko ra. Akin et onmay ginawak? Lapud apaolyan ya aderal-deral so Timplok; inarap yon kikimeyan so dilin kaabungan yo.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Say Libro nen Job 5:5

Kanen na totoon narasan iray bungay tanaman na toon makulang-kulang anggan saray trigon walad kasabitan tan panggonaetan na saray napgaan a totoo so kayamanan to.

1 Saray Arari 14:26

Imbatik ton amin iray kayamanan ed dalem na Timplo tan palasio, pati saray balituk a samper a ginagawa nen Solomon.

1 Samuel 2:36

Siopaman ed saray kabyangay pamilyam so mansiansian mabilay et nakaukolan ya onlan mikerew ed sayan pari na kuarta tan say nakan, tan onkerew na abuloy ya ontulong ed saray papari, pian nawalaan na pambilay.

Ecclesiastes 5:13

Saya niy makapasinagem a kaogsan ya anengneng kod sayan mundo; saray katoowan mantitipon ira na kayamanan ya ikana ra ed panaon a pankaukolan da.

Ecclesiastes 5:15

Anggapoy awit tayo nen pinmaway tayod eges na ina tayo tan anggapo met so naawit tayo no ontaynan tayod sayan mundo. No ontaynan tayo anggapoy anggan anto a naawit tayo ed saray nansagputan tayo.

Say Libro nen Job 1:21

Inkuanto, Nianak ak a kalima-lima, ompatey ak a kalima-lima. Angiter so Katawan tan natan binawi to. Nadayew komun so ngaran to!

Saray Salmo 49:18

Anggan maliket so sakey a too ed sayan bilay, tan nidadayew lapud maaligwas,