Ecclesiastes 2:10 - Maung a Balita Biblia

¹⁰ Nalak ya amin iray labalabay ko. Ag kon balut sinibletan so laman ko ed antokaman a liket. Inkinon kon amin iray kinimeyan ko, tan tumang ko ra yan amin.

Maung A Balita Biblia

¹⁰ Nalak ya amin iray labalabay ko. Ag kon balut sinibletan so laman ko ed antokaman a liket. Inkinon kon amin iray kinimeyan ko, tan tumang ko ra yan amin.

Ecclesiastes 2:10 Referans Kwoze

Ecclesiastes 9:9

Legan a mambibilay kad sayan andi-kakanaan a bilay ya inter ed sika na Dios diad sayan mundo, manliket kan miamung ed inarom ya asawa. Manliket kan inagew-agew, ta sikato labat so nagunggonam ed amin a gunigon mo.

Ecclesiastes 5:18

Saya so arumogan ko: say sankaabigan a nagawaan na too et say pangan tan say iyinom to, tan say panliket to ed nansagputan to legan na antikey a pambilay ton inter ed sikato na Dios; sikato yay kapalaran na too.

Ecclesiastes 3:22

Abirbir ko sirin a say sankaabigan a nagawaan tayo et say panliket ed saray nansagputan tayo. Anggapo lay arum a nagawaan tayo. Anggapoy polaing a pakaamtaan tayo no antoy nagawad sikatayo kayari na ipatey tayo.

Saray Salmo 119:37

Iyarawim pad siak so pangimanod antokaman ya andi-kakanaan; ipanengneng mo pad siak so kamaungan mo onung na insipan mo.

Saray Salmo 128:2

Pambilay moy bunga na nanlingetan mo; manliket tan onaligwas ka.

1 Juan 2:16

Amin a bengatlan walad mundosaray maoges a pilalek na too, saray labalabay a nengnengen tan alaen na totoo, tan amin a bengatla diad mundo ya ipapasirayew na totoonanlapu ra yan amin ed mundo. Anggapoy anggan sakey ed saraya so nanlapud Ama.

Ecclesiastes 2:22

Mankikimey tan mapagpaga ka legay bilay mo, et antoy nagunggonam?

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Ecclesiastes 6:9

Sakey yan andi-kakanaan; singa ka onoosil ed dagem. Maung niy panliketan moy antokaman a walad sika nen say mansasalat so pampilalekan mo.

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Say Libro nen Job 31:1

Sinambaan ko ya ag ak onlinggis a walay marotak a getmak ed sakey a marikit.

Saray Huis 14:2

Sinmempet tan inkuantod kinen ama tan ina to, Walay sakey a Filistian bii diad Timna ya akasagyat na imanok. Ala yo pa, ta labay kon asawaen.

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Ecclesiastes 5:10

No maaro kad kuarta ag kan balut napenek; no mampilalek kan onyaman ag mon balut nagamuran so amin a pilalek to. Sakey met yan andi-kakanaan.

Ecclesiastes 6:2

Say Dios itdan toy sakey a too na kayamanan, kagalangan, tan kayaryan, on, amin a labay to, balet ag to abuloyan a panliketan to ra. Say sakey a sangkaili la laingen so manliket. Sakey yan andi-kakanaan tan sumlang ed katonungan.

Ecclesiastes 9:6

Kaambas da lan naandi so panangaro, panagbosul, tan say panagabagey da. Ag la ran balut mibali ed antokaman a nagagawa ed sayan mundo.

Ecclesiastes 2:1

Ginetmak a panliketen koy laman kon dili tan suboken ko no anto so kabaliksan na liket. Balet arumogan ko a saya et andi-kakanaan met.

Ecclesiastes 2:24

Say sankaabigan a gawaen na sakey a too et say pangan, iyinom, tan say panliket tod saray nansagputan to. Balet abirbir ko met ya anggan saya et nanlapud Dios.

Ecclesiastes 5:17

Nagunggona tayoy mambilay a walay bilonget tan ermen, magunigon, mapasnuk, tan walay sakit.

Ecclesiastes 8:15

Kanyan atibokel ed kanunotan ko a nepeg a manliket so sakey a too, ta say panliketan to labat ed sayan bilay et say pangan, say paninom to, tan say pamaliket tod laman ton dili. Nagawaan toy onya no mankikimey legan na inggetar na Dios a pambilay to diad tapew na dalin.