Ecclesiastes 10:8 - Maung a Balita Biblia

⁸ No manggawa kay patit ya abut, diman ka nikolabut; ketketen ka na oleg ya onsorub ed binongaw mon padir.

Maung A Balita Biblia

⁸ No manggawa kay patit ya abut, diman ka nikolabut; ketketen ka na oleg ya onsorub ed binongaw mon padir.

Ecclesiastes 10:8 Referans Kwoze

Probirbio 26:27

Saray totoon mamapatit ed kapara ran totoo et naeerel irad dilin patit da. Saray totoon mangipapatolin na bato et sikaray pawilan to.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Amos 9:3

No onamut irad toktok na Palandey na Carmelo, anapen ko ra et erelen ko ra. No iyamutan da ak ed dalem na dayat, iganggan koy dragon ed dayat ta ketketen to ra.

Amos 5:19

Saman ya agew et aliling toy toon ibabatikan toy lion balet ta nabet toy uso! Odino singa toon kasempet tod abung et inkapa tod padir so lima to, balet kinetket na oleg!

2 Samuel 17:23

Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

Saray Huis 9:5

Linmad abung nen ama to ed baley na Ofra tan diad tapew na sakey a bato, pinatey to ra may pitomplon agagi ton lalaki ya anak nen Gedeon. Balet akaamut si Jotam a sankayogtanan ya anak nen Gedeon, kanyan ag apatey.

2 Samuel 18:15

Insan samploran sondalo nen Joab so inmasingger tan nilaos dan pinatey.

Saray Salmo 57:6

Saray kalaban ko pinatitan da ak na iket, a pangerel dad siak; mapalaloy kapapagaan ko. Angotkot iray abut ed dalanen ko, balet sikaran diliy naplag.

Probirbio 11:6

Say inkatonung iyaagel toy toon maptek so panagbilay to, balet say toon ag napampiaan nanaerel na dilin inkaagom to.

Ecclesiastes 10:9

No managtebag ka na saray bato, nasakitan ka na bato. No managbelang ka na kiew, nasakitan ka na kiew.