Ecclesiastes 10:12 - Maung a Balita Biblia

¹² Pakagalangan na makabat a too so bunga na saray salita to, balet kaderalan na makulang-kulang so bunga na saray salita to.

Maung A Balita Biblia

¹² Pakagalangan na makabat a too so bunga na saray salita to, balet kaderalan na makulang-kulang so bunga na saray salita to.

Ecclesiastes 10:12 Referans Kwoze

COLOSAS 4:6

Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

Lucas 4:22

Indayew na amin a totoo, tan mankelaw irad saray mararakep a salita to. Aliwa tan sikato ya may anak nen Jose? tepet da.

Probirbio 22:11

No inarom so malinis a puso tan maolimek a panagsalita, nakaarom so ari.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

Lucas 19:22

Inkuanto may amo, Maoges kan katulong! Say salitam a dili so panintinsiaan kod sika! Amtam manaya a mapeget ak. Amtam manaya ya aalaen koy ag ko kayaryan, tan aanien koy ag ko intanem.

Mateo 12:35

Maung so manlapud maung a too, lapud napnoy puso to na kamaungan. Maoges so manlapud maoges a too, lapud napnoy puso to na kaogsan.

Probirbio 31:26

Mapalna tan napno na kakabatan so panagsalita to.

Probirbio 26:9

Say toon makulang-kulang a mamibitla na probirbio et singa abuek a mamabagut na sabit a nipanek ed lima to.

Probirbio 19:5

No mantila ka ed korti andi-saew a nadusa kaag ka makapaliis.

Probirbio 15:23

Agaylay gayaga na pakalmo na dugan salita para dugan okasyon!

Probirbio 12:18

Saray salitan andi-nunotan singa ra ispadan makasugat, balet makapaabig iray salitan napnoy kakabatan.

Probirbio 10:10

Mangiiter na golo so toon iyaamut toy katwaan, balet mankikimey para kareenan so toon mangibabagay kakulangan.

Probirbio 10:8

Awaten na totoon makalakal iray maung a simbawa. Naderal iray totoon mansasalitay maoges.

Saray Salmo 140:9

Ag mo pa panataloen iray kalaban ko; ipoktal mod sikaray panataktakot dad siak.

Saray Salmo 64:8

Deralen to ra, lapud saraman a salita; ompeyeng ya amin iray makanengneng ed sikara.

Saray Salmo 37:30

Say maung a too kakabatan so ibabalikas to, tan kaptekan so sasalitaen to.

Say Libro nen Job 16:5

Napabiskeg koy linawa yo lapud saray simbawak, tan ag ak mampainawan mansalita a panligliwak ed sikayo.

2 Samuel 1:16

Insan inkuanen David ed samay Amalecita, Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.

Ecclesiastes 4:5

Ibabaga ra ya inkakulang-kulang so pantalikepkep tan say pamaolyan mod sikan dili ya ompatey kad eras.

Ecclesiastes 9:17

Maung niy ondengel ed saray maolimek a salita na sakey a makabat a too nen say ondengel ed saray eyag na sakey a manoley ed saray makulang-kulang.

Ecclesiastes 12:11

Saray balikas da ray makabat a totoo et singa ra maotuk a baston da ray pumapastol ya ikakana rad panangiwanwan ed saray karniro. Saray atipon a probirbio et mansiansia ran singa saray malmalet a nipanek a pasak. Say Dios a Pumapastol ed sikatayon amin so angiter na sarayan probirbio.

Ecclesiastes 5:2

Mannunot ka ni kasakbayan a mansalita ka, tan ag ka bengatbengat a mansisipan ed Dios. Walad tawen so Dios tan wala kad tapew na dalin, kanyan ag mo la pasosolukan so kanepegan mon salitaen.

Ecclesiastes 5:6

Ag mo aabuloyan ya ipelag kad kasalanan na saray salitam, pian ag ka la onlan mangibagad pari ya ag mo ginagalay nankasalanan. Akin et labay mon makapasnuk so Dios ed sika? Akin et labay mon deralen na Dios iray nansagputan mo.