Daniel 4:34 - Maung a Balita Biblia

³⁴ Kalabas na pitoy taon, inkuan na ari, tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. Sikato so manoley ed anggad angga, tan mansiansia ed ando lan ando so panarian to.

Maung A Balita Biblia

³⁴ “Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Daniel 4:34 Referans Kwoze

Puyan 4:10

saramay duamplo tan apat a mamatakken ondadakmomo rad samay akayorung ed trono, tan igagalang da may mabilay ya anggad angga. Ibobontuk dad arap na trono iray korona ra, tan kuanda:

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.

Daniel 2:44

Diad panaon da raman a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo.

Saray Salmo 145:13

Anggad angga so panarian mo, tan ari kan anggad angga. Say Katawan matoor ed saray sipan to, tan maung ya amin iray gagawaen to.

Daniel 6:26

Iganggan ko ed intiron impiriok a nepeg a takotan tan galangen na amin a too so Dios nen Daniel. Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.

Lucas 1:33

Manarin andi-anggaan ed saray kabyangay boleg nen Jacob, tan anggapoy anggaan so panarian to!

Daniel 5:21

Niarawid kawalaan na saray totoo, tan nagmaliw a panagnunot na ayep so panagnunot to. Nanaayam ed pasen a kaiba to ray asnod katakelan, singa bakan nanaakan na dika, tan nanoogip ed pasen ya anggapoy tarung, kanyan alitlinaewan. Onmay kipapasen to ya anggad sinmabiy panaon a binirbir ton walad silong na pakaoley na Sankatageyan a Dios iray amin a nanarian tan nayarian to ran iter ed siopaman a labay ton pangitdan.

Daniel 4:26

Ingganggan na saray anghil ya itilak ed dalin so sengeg ton nambatangan. Say kabaliksan to ya et say pagmaliw mo lamet ya ari no birbiren mon say Dios ooleyan toy intiron mundo.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Mikias 4:7

Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.

Daniel 4:3

Agaylay kabaleg na pakelaw ya ipapanengneng na Dios ed sikatayo! Makapakelaw a tuloy iray milagron gagawaen to! Say Dios et ari ya anggad angga; ag mangangga so panoley to.

Saray Tagleey 3:38

Diad panangiganggan na Sankatageyan a Dios, nagawa so maung tan say makapoy.

Isaias 24:15

tan saray walad Bokig idayew da. Saray totoon manaayam ed gilig na dayat et idayew day Katawan a Dios na Israel.

Saray Salmo 146:10

Say Katawan et ari ya anggad angga. Say Dios mo, O Sion, manoley ed amiy panaon. Idayew yoy Katawan!

Saray Salmo 123:1

Katawan, ontatangay ak ed sika, ditad tawen a panooleyan mo.

Saray Salmo 121:1

Onnenengneng ak ed kapalandeyan; iner so panlapway tulong ed siak?

Saray Salmo 107:31

Nepeg dan pisalamatay Katawan lapud ag mangoman a panangaro to, lapud makapakelaw iran ginagawa ton para sikara.

Saray Salmo 102:24

Dios ko, ag mo ak pa ni aalaen natan, ta aliwa ak nin masiken. Katawan, mambibilay kan anggad angga;

Saray Salmo 92:1

Maabig so misalamat ed sika, O Katawan, say pankanta a pamagalang ed sika, O Dios a Sankatageyan,

Saray Salmo 10:16

Anggad angga ya ari so Katawan, tan naandipat ed dalin to iray ag manisiad sikato.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, Say panoley ed sankamundoan niiter lad Katawan tayo tan diad Cristo to, tan manarin anggad angga!

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

Juan 5:26

Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, O Dios, kasian mo ak pa a makasalanan!

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag manggangga so panarian to.

Saray Salmo 107:22

Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Saray Salmo 107:15

Nepeg dan pisalamatay Katawan lapud ag mangoman a panangaro to, lapud makapakelaw iran ginagawa ton para sikara.

Saray Salmo 107:8

Nepeg dan pisalamatan so Katawan, lapud ag mangoman a panangaro to, lapud makapakelaw iran ginagawa ton para sikara!

Saray Salmo 50:14

Say pisasalamat so nepeg yon ibagat ed Dios, tan iter yod Makapanyarin-amin so antokaman ya insipan yo.

Saray Salmo 9:2

Lapud sika malikeliket ak a mankanta. Kantaan kay pangidayew, O Sankatageyan a Dios!

Saray Salmo 7:17

Pisasalamatan koy Katawan lapud inkatonung to; kakantaan ko na pangidayew so Katawan a Sankatageyan.

Say Libro nen Job 1:21

Inkuanto, Nianak ak a kalima-lima, ompatey ak a kalima-lima. Angiter so Katawan tan natan binawi to. Nadayew komun so ngaran to!

Puyan 10:6

tan nansambad ngaray Dios a mabilay ya anggad angga, tan amalsay tawen, dalin, dayat, tan amin a wadyad saraya. Inkuanto may anghil, Anggapo lay makaabala!

Puyan 4:9

Saramay apatiran pinalsa a mabilay et ikakanta ray pangidayew, pangitanduro, tan pisasalamat ed samay akayorung ed trono, say mabilay ya anggad angga. Leleg dan mangakanta,

Daniel 4:2

Dengel yoy isalaysay ko ran pakelaw tan milagro ya impanengneng ed siak na Sankatageyan a Dios.

Daniel 4:36

Nen pinmawil so kalakal ko, nipawil ed siak so dayew ko, say pakayarik, katageyan ko, tan say kagalangan na nanarian ko. Maliket ya angawat ed siak iray opisyal ko tan saray sumisimbawak, tan nipawil ed siak so pakayarik ya ari a kataruk to so kagalangan a baleg ni nen say samay inmona.

Daniel 5:18

Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.

Jonas 1:14

Kanyan tinmawag irad Katawan, O Katawan, pikasi mid sika ya ag mo kami pa dudusaen na patey lapud pangoyus mid bilay na sayan too. Sika, O Katawan, so akaoley ed sayan inkagawa; sika so nanggawad sayan amin.

Deuteronomio 32:4

Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

2 Samuel 22:31

Ayadyari ray gawa na sayan Dios, napanmatalkan iray salita to! Aliling toy samper ed amin da ray pa paiyagel ed sikato.

1 Saray Awaran 29:10

Diman ed arap na saray atiptipon a totoo indayew nen David so Katawan. Inkuanto, Katawan a Dios na laki min Jacob, nadayew ka komun ed ando lan ando!

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.

Saray Salmo 66:7

Manooley ya anggad angga diad panamegley na pakayari to, tan ag to aalisay mata iray bansa. Saray mananumpa et anggapo komuy onlaban ed sikato!

Saray Salmo 111:7

Sikatoy matoor tan matonung ed amin a gagawaen to; napanmatalkan ya amin iray ganggan to.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 13:11

Say Katawan kuanto, Mangyakar ak na deral ed tapew na dalin tan dusaen kon amin iray totoon maoges a totoo lapud saray kasalanan da. Ipaabebak ya amin iray totoon mapaatagey tan dusaen kon amin iray totoon malastug tan maruksa.

Daniel 9:14

O Katawan a Dios mi, akaparaan ka la nen saman a manusad sikami, et dinusa mo kamin tua, lapud matonung lawas so gagawaen mo, tan ag mi ka dinengel.