COLOSAS 3:4 - Maung a Balita Biblia

⁴ Si Cristo so tuan bilay yo, tan no sikatoy ompanengneng, ompanengneng kayo met a kaiba to tan minabang kayod kagalangan to!

Maung A Balita Biblia

⁴ Si Cristo so tuan bilay yo, tan no sikatoy ompanengneng, ompanengneng kayo met a kaiba to tan minabang kayod kagalangan to!

COLOSAS 3:4 Referans Kwoze

Juan 11:25

Inkuanen Jesus ed sikato, Siak so kiolid bilay tan say bilay. Siopamay manisiad siak anggan ompatey, nabilay;

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

TAGA GALACIA 2:20

Inatey ak la a kaiba nen Cristo a nipasak ed krus, kanyan aliwa lan siak a dili so mambibilay, no ag ingen si Cristo so mambibilay ed siak. Mambibilay ak natan ed sayan mundo diad panamegley na pananisiak ed Anak na Dios ya angarod siak tan angibagat na bilay to lapud siak.

1 Pedro 1:13

Kanyan iparaan yo ray kanunotan yo. Mantadya kayo lawas tan sigput yon ipeket so ilalo yo ed bindision a niiter ed sikayo no nipaamta lay Jesu-Cristo.

FILIPOS 3:21

Diad sayan ipawil to, salatan to yay magter a laman tayo na singa laman ton mapagalang. Gawaen to ya, diad panamegley na pakayarin pakapasuko tod pakaoley to na saray amin a bengatla.

Juan 17:24

Ama! Labay kon nakaiba ed kawalaan ko ray inter mod siak, pian nanengneng day kagalangan ya inter mod siak, ta inaro mo ak kasakbayan ya apalsay mundo.

1 Pedro 5:4

Et no onsabiy Pangulon Pastol, awaten yoy koronan ag onkupas so kagalangan to.

1 Juan 2:28

On, anak, mansiansia kayod Cristo, pian mataletalek itayo no sikatoy ompatnag tan ag itayo nabaingan ed sikato no Agew na isabi to.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

1 CORINTO 15:43

Aliwliwa tan makapkapoy so laman ya ipompon, balet marakerakep tan mabisbiskeg so laman a paolien ed bilay.

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to

1 Juan 5:12

Siopamay walad sikatoy Anak, walad sikatoy bilay ya andi-anggaan; siopamay anggapod sikatoy Anak na Dios, anggapod sikatoy bilay ya andi-anggaan.

Tito 2:13

legan tin aalagden so iilaloan tayosay maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Mateo 13:43

Balet saray totooy Dios onsinag ira a singa agew ed Panariay Ama ra. Dengel kayo sirin, sikayo ran walay layag!

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

Juan 14:6

Inmebat si Jesus, Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Saray Salmo 17:15

Lapud matonung ak, nanengneng ta ka; no ombangon ak; say kiwawalam papanoen to ak na gayaga.

2 Timoteo 1:1

Sayan sulat nanlapud kinen Pablo ya apostol nen Cristo Jesus onung ed linaway Dios tan nibakin mangipulong na insipan a bilay a nagamuran tayo diad pikakasakey ed Cristo Jesus.

1 TESALONICA 4:17

Insan sikatayon mabilay naala itayon mitipon ed sikara diad kaloreman, tan onabet itayod Katawan diad liwang. Diad ontan, kaiba tayo lawas so Katawan.

1 CORINTO 1:7

kanyan amin a bindision aawaten yo, legan ya aalagden yon ompanengneng so Katawan tin Jesu-Cristo.

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

Saray Salmo 73:24

Iwawanwan ak na pananimbawam et diad kaonuran, mapagalang ya awaten mo ak.

Puyan 2:7

Sikato ran walay layag, dengel yoy ibabagay Ispiritu ed saray iglisia! Saray manalo itdan ko ray kanepegan a mangan na bungay kiew na bilay ed Paraiso na Dios.

1 Timoteo 6:14

Onur mo ray niganggan ed sika tan mansiansia kan matoor ed pangonur mod sikara ya anggad ompatnag lay Katawan tayon Jesu-Cristo.

Saray Gawgawa 3:15

Kanyan pinatey yoy Manamalsay bilay, balet say Dios pinaoli tod bilay; sikami ray tasi ed sayan agawa.

Lucas 17:30

Onya met so nagawa no ompanengneng so Anak na Too.

Saray Taga Roma 8:18

Ipapasen ko a saray kairapan ed sayan panaon et ag ira nayarin ipara ed kagalangan a nipatnag naani ed sikatayo.

Saray Taga Roma 8:19

Pampilpilalekay amin a pinalsa so pangipatnag na Dios ed saray anak to.