Amos 9:12 - Maung a Balita Biblia

¹² Kanyan naala na saray totood Israel so akeraan ed dalin na Edom tan amin da ray bansan kayaryan ko ra nen saman, kuay Katawan a mangyabuloy a nagawa ra ya.

Maung A Balita Biblia

¹² Kanyan naala na saray totood Israel so akeraan ed dalin na Edom tan amin da ray bansan kayaryan ko ra nen saman,” kuay Katawan a mangyabuloy a nagawa ra ya.

Amos 9:12 Referans Kwoze

Isaias 43:7

Sikaray dilin totook, tan pinalsak ira a mangiter ed siak na kagalangan.

Saray Gawgawa 15:17

Et diad onya ondagod siak ya amin iray katoowan, amin da ray Hintil a tinawag kon kayaryanen.

Isaias 65:1

Say Katawan kuanto, Sipaparaan ak ya ondengel ed saray pikakasi da ray totook, balet ag ira nampikasi. Sipaparaan ak a naalmo ra, balet ag da anggan sinaliy nananap. Ag nampikasid siak so bansa, anggaman ya akaparaan ak ya onebat na Wadya ak ya ontulong ed sikayo.

Jeremias 14:9

Akin et singa ka toon abiglaan, singa sakey a sondalon ag makatulong? Andi-duaruwan wala kad sikami, Katawan! Sikami ray totoom; ag mo kami pa ikakaindan.

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Isaias 63:19

Ipapasen mon singa ag mo kami inoleyan a balut, singa ag kamin balut totoom.

Isaias 11:14

Mankakasakey ira ya ondogpa ed saray Filisteo diad sagur tan samsaman da ray totoon manaayam ed bokig. Dakepen da ray totood Edom tan Moab, tan onuren ira na saray totood Ammon.

Saray Salmo 60:8

Balet say Moab so panorasan kon palanggana, tan say Edom so pangibantakan koy sandalyak, a sakey a tanda a kayaryan ko. Abaloan na saray Filisteo ya oneyag ira lapud panalo rad siak?

Genesis 27:37

Inmebat si Isaac, Ginawak lan manoley ed sika, tan ginawak ya aripen ton amin iray kakanayon to. Initdan koy dakel a naani tan daakan ya alak. Natan, anggapo lay nagawaan kon para sika, anak!

Genesis 27:29

Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.

Malakias 1:4

No ibaga na saray kabyangay boleg nen Esau salanti saray Edomita, Aderalderal iray baley mi, balet pasimbaloen mi ran ipaalagey, say Katawan onebat ed satan, Pasimbaloen da ra labat ya ipaalageyigebak ira lamet. Tawagen ira na saray totoo, Say maoges a bansa tan Say bansan pamapasnukan na Katawan.

Joel 3:8

Abuloyan kon nilakod saray totood Juda iray anak yon lalaki tan bibii; ilako da ra ed saray totood Saba, ya arawdawin pasen. Siak, say Katawan, so nansalita.

Saray Gawgawa 15:18

Sikato yay imbagay Katawan, ya angipaamta ed saraya nen saman nin panaon.