Amos 8:13 - Maung a Balita Biblia

¹³ Diad satan ya agew anggan saray mabibiskeg a lalaki tan bibii et nalemay ira lapud inkaapgaan.

Maung A Balita Biblia

¹³ Diad satan ya agew anggan saray mabibiskeg a lalaki tan bibii et nalemay ira lapud inkaapgaan.

Amos 8:13 Referans Kwoze

Oseas 2:3

No ag to tondaan so gagawaen to, lakseban ko tan paolyan kon singa kapawapaway tod eges na ina to. Pagmaliwen kon singa kalawakan a kinmelang, et ompatey ed kaapgaan.

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Saray Tagleey 1:18

Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Isaias 40:30

Onkapoy iray anggan malangwer ni; napunaw iray totoon kabisbiskegan da.

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.