Amos 7:13 - Maung a Balita Biblia

¹³ Ag ka la dia mampropropisiya ed Betel. Sikato yay pasen a panangigalangan na ari, say timplo ed intiron bansa.

Maung A Balita Biblia

¹³ Ag ka la dia mampropropisiya ed Betel. Sikato yay pasen a panangigalangan na ari, say timplo ed intiron bansa.”

Amos 7:13 Referans Kwoze

Amos 2:12

Balet pinainom yo na alak iray Nazareo tan ingganggan yo ray propita ya ag da ipulong iray salitak.

1 Saray Arari 12:32

Ginawa nen Jeroboam a sakey a pista so kumalabinliman agew na kumawalon bulan, kaparay agew a sisilibraan ed Juda. Diad tapew na altar diad Betel nambabagat ed saray bakan balituk a ginawa to, tan angipasen ed Betel na saray papari a manlingkur ed altar a ginawa to.

1 Saray Arari 12:29

Inyan tod Betel imay sakey a bakan balituk tan diad Dan so sakey.

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

Saray Gawgawa 5:40

Pinaloob da ra may apostol, impapasiplatan da ra, ingganggan dad sikaran ag la ra mampulong ed ngaran nen Jesus, insan da la ra imbolus.

Saray Gawgawa 5:28

Inkuanto, Mapeget mi kayon ingganggan ya ag kayo la mambabangat ed ngaran na sayan too, balet nengneng yoy ginawa yo! Inkayat yod intiron Jerusalem so bangat yo, tan ipapakasalanan yod sikami so impatey to.

Isaias 30:10

Ibabaga rad saray propita a mandeen ira. Kuanda, Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Amos 3:14

Diad agew a dusaen ko ray totood Israel lapud saray kasalanan da, deralen ko ray altar ed Betel. Napoter iray suyok na balang altar tan napelag irad dalin.

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.

Amos 7:9

Naderal iray pasen a pangigagalangan na saray kabyangay boleg nen Isaac. Nataynan ya aderal-deral iray masanton pasen na Israel. Panganggaen kon manari iray kabyangay boleg nen Ari Jeroboam.

Amos 7:16

Kanyan dengel ka natan ed ibabagay Katawan. Ibabagam ya ontonda ak a mampropisiya, ya ontonda ak a mampulong sumpad saray totood Israel.

2 Saray Arari 14:24

Nanggagaway kaogsan sumpad Katawan; inalig toy impankasalanan nen Ari Jeroboam a lakin anak nen Nebat, say arin nilagnat ton nankasalanan so Israel.

Jeremias 26:9

Akin et imbagam, diad ngaran na Katawan, a sayan Timplo et magmaliw a singa Silo, tan naderal yan siudad, tan anggapoy manayam dia? Insan minokut ak na saray totoo.