Amos 5:2 - Maung a Balita Biblia

² Atumba la so birhin ya Israel, Ag lan balut makabangon! Ataynan ed dalin, Anggapoy ontulong a mamangon ed sikato.

Maung A Balita Biblia

² Atumba la so birhin ya Israel, Ag lan balut makabangon! Ataynan ed dalin, Anggapoy ontulong a mamangon ed sikato.

Amos 5:2 Referans Kwoze

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Amos 9:11

Say Katawan kuanto, Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Amos 8:14

Natumba tan ag la makabangon iray totoon mansasamba ed saray talintaod Samaria a kuanda, Diad ngaran na dios na Dan, odino Diad ngaran na dios na Beer-seba.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 6:2

Diad loob na duara odino taloran agew pabilayen to itayo, tan mambilay itayod arap to.

Saray Tagleey 2:13

O Jerusalem, antoy nibagak? Panoy pakaligliwak ed sika? Anggapo niy nanirap a singa paniirap mo. Singa kaawang na dayat so inkaderal mo; siopay makapasimbalod sika?

Jeremias 51:64

tan ikuanmo, Onyay nagawa ed Babiloniaonlereg tan ag lan balut makaimwas, lapud deral ya iyakar dia na Katawan. Dia mansasamput iray salita nen Jeremias.

Jeremias 50:32

Sikan mapaatagey a bansa, natumba tan napelag ka, et anggapoy ontulong ed sika. Poolan ko ray siudad mo, tan naderal ya amin iray walad kaliber-liber.

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Jeremias 18:13

Say Katawan kuanto, Tepet mod balang bansa: Wala lay agawan singa onya nen saman? Nanggaway makapasinagem a bengatla iray totood Israel!

Jeremias 4:20

Mantotombukan so nagagawan panagderal; aderal-deral so intiron bansa. Biglan aderal iray tuldak; apilat-pilat iray kurtina ra.

Jeremias 2:27

Nabaingan kayo, sikayon mangibabaga ya ama yoy sakey a kiew tan ina yoy sakey a baton-dampay. Nagawa ya, lapud imbatikan yo ak anta siak komuy singgeran yo. Balet no wala kayod gunigon, kerewen yon asinggeran ta kayon ilaban.

Isaias 43:17

Insulong tod kadederal iray makapanyarin sondalo, saray sondalon akakarwahi tan akakabayo. Atumtumba ra, et ag la ra makabangon, naandipat iran singa narep a silew na lamparaan!

Isaias 37:22

inkuan na Katawan, Eelekan ka na siudad na Jerusalem, Senakerib, tan luludlureyen to ka.

Isaias 24:20

Mandongilngil so dalin a singa sakey ya abuek, mambayes a singa alolung no walay bagyo. Dinetdetan na saray dilin kasalanan to so mundo; natumba, et ag la makabangon.

Isaias 14:21

Igapo lay pampatey! Ompatey ira yan lalakin anak na ari lapud saray kasalanan na lalaki ra. Pateyen ira pian anggapod sikaray manoley ed mundo odino mangiletneg a amayamay a siudad ed tapew na dalin.

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoom manaayam ed sarayan siudad, insan inawit to ran priso ed Asiria.

Jeremias 8:4

Say Katawan imbaga tod siak ya ikuankod saray totoo to iray salita to, Wala tay natumba ya ag ombangon? Wala tay nabalang ya ag ompawil ed nanlapwan to?

Jeremias 9:9

Ag ko ra dusaen lapud sarayan bengatla? Ag ak ombawi ed bansan singa onya? Siak, say Katawan, so nansalita.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.