Amos 5:10 - Maung a Balita Biblia

¹⁰ Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Maung A Balita Biblia

¹⁰ Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Amos 5:10 Referans Kwoze

Isaias 29:21

Deralen na Dios iray mamapaoges na kapara ran too, saray manesebel na pakadusa da ray kriminal, tan saray mantatasiy tila pian ag niiter so katonungan da ray maptek so kabibilay da.

1 Saray Arari 22:8

Inmebat si Acab, Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin. Ag mo nepeg ya ibaga tan! ebat nen Josafat.

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.

Juan 15:19

No kayaryan kayoy sankamundoan, aroen kayoy sankamundoan lapud kayaryan to kayo. Balet natan aliwa kayon kayaryay sankamundoan, no ag ta pinili ta kayon nanlapud sankamundoan, kanyan bobosulen kayoy sankamundoan.

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Juan 3:20

Siopamay maoges iray gawa to bosulen toy silew tan ag ondagod silew, ompano napatnagan so kagagawa to.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

2 Saray Awaran 25:16

Tinepet nen Amasias, Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka! Tinmonda may propita kayari ton inkuan, Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.

1 Saray Arari 21:20

Nen anengneng nen Acab si Elias inkuanto, Nalmo mo ak lamet, kalaban ko? On, nalmo ta ka lamet, ebat nen Elias. Sigput so panggagawam na kaogsan ed arap na Katawan.

1 Saray Arari 18:17

Nen anengneng nen Acab si Elias, inkuanto, A, wadya ka manaya, sikan managgunigon ed Israel!

TAGA GALACIA 4:16

Kabosul yo ak la natan kasi lapud ibabagak ed sikayoy katwaan?

Probirbio 15:12

Saray totoon mapaatagey ag da labay so papetek; ag iran balut onkekerew na simbawa ed saray totoon makabat.

Isaias 59:15

Nanaandipat lay amin ya inkatoor kanyan siopamay ontondan manggaway kaogsan et sikato so panggawaan day kaogsan. Anengneng ya na Katawan, et naermenan lapud inkaandi na inkatonung.

Jeremias 38:7

Balet si Ebed-melec a taga Sudan, sakey a yunoko tan walay kimey tod palasioy ari, nadngelan ton impelag da ak ed dalem na bobun. Diad sayan bekta walad Puirta nen Benjamin so ari.

Oseas 4:4

Say Katawan kuanto, Anggapo komuy mangakusa ed saray totoo odino mamasnuk ed sikarasay dalem ko et sumpad sikayon papari.

Amos 5:15

Bosul yoy kaogsan, aro yoy kamaungan, et nanengneng yod satan ed saray korti ya ontalona so katonungan. Angangko kasian na Katawan iray totoon atilak nin mabilay ed sayan bansa.

Levitico 13:10

a mannengneng ed sakit na samay too. No walay ampotin babag ed baog to ya amapoti na saray bago tan pinmaway lay laman,