Amos 4:3 - Maung a Balita Biblia

³ Gayugoyen da kayo ed sankaasinggeran ya abongaw a padir, insan da kayo ibantak ed paway.

Maung A Balita Biblia

³ Gayugoyen da kayo ed sankaasinggeran ya abongaw a padir, insan da kayo ibantak ed paway.”

Amos 4:3 Referans Kwoze

Ezekiel 12:5

Legan da kan babantayan, mamongaw kad padir na abung mo tan diman mo ipaway so balkut mo.

Ezekiel 12:12

Say prinsipin manooley ed sikara et sakbaten tod ambilonget so balkut to tan diad binongaw dad padir ompaway ya ombatik. Pepetan toy mata to et ag to nanengneng no iner so laen to.

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Isaias 31:7

Onsabiy panaon ya amin yo et ibantak yo ray makapakasalanan a talintaon ginagawa yod pilak tan balituk.

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

2 Saray Arari 25:4

abongaw na saray kalaban so padir na siudad. Anggaman a nilakob na saray taga Babilonia so siudad, akabatik ed labi so ari tan amin da ray sondalo na Juda. Dinmalan irad puirtan nanleetan na duaran padir ya asingger ed tanamanan na ari. Batik iran amaarap ed Patar na Jordan.

2 Saray Arari 7:15

Linma ra ya anggad Jordan, tan diad dalan anengneng da ray kawes tan saray kagawaan ya intitilak na saray Siriano diad imbatik da. Insan ira pinmawil tan imbaga rad ari so agawa.

Saray Huis 5:17

Nanayam ed bokig na Jordan iray kabyangay tribu nen Gad, tan saray kabyangay tribu nen Dan et nansiansia rad abay na saray bapor. Nanayam ed gilig na dayat iray kabyangay tribu nen Aser; nansiansia rad abay na danum.

Jeremias 52:7

abungaw na saray kalaban so padir na siudad. Anggaman a nilakob na saray taga Babilonia so siudad, akabatik ya amin iray sondalo na Juda legan na labi. Dinmalan irad tanamanan na ari insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Amos 6:7

Lapud saya sikayo so ononan nibantak ed arum a bansa. Mangangga la ray pista yo tan saray ankakabaleg a ponsia yo.