Amos 1:12 - Maung a Balita Biblia

¹² Lapud saya mangyakar ak na apoy ed siudad na Teman tan poolan ko ray tirinsira na Bozra.

Maung A Balita Biblia

¹² Lapud saya mangyakar ak na apoy ed siudad na Teman tan poolan ko ray tirinsira na Bozra.”

Amos 1:12 Referans Kwoze

Jeremias 49:20

Kanyan dengel kayod implanok sumpad saray taga Edom, tan say ginetmak a gawaen ed saray totoon manaayam ed siudad na Teman. Nagayugoy iray anggan ankekelag ya anak da, tan nataktakot so balang sakey ed sikara.

Jeremias 49:7

Sikato yay inkuan na Katawan a Makapanyarin-amin nipaakar ed Edom: Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?

Jeremias 49:22

Say kalaban dogpaan toy Bozra; singa agilan onsibar ya akabuskag iray payak to. Diad satan ya agew saray sondalo na Edom ontakot ira a singa biin mampapasakit.

Jeremias 49:13

Sinambaan kon dili a say siudad na Bozra et magmaliw a makapataktakot a nengnengen tan sakey ya andi-kakanaan; ludlureyen na saray totoo tan ikana ray ngaran to a sakey a samba. Ando lan andon naderal iray kaliber-liber ton baley. Siak, say Katawan, so nansalita.

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Isaias 34:5

Say Katawan imparaan tod tawen so ispada to, tan natan nitipas ed Edom, diad saray totoon sinintinsiaan ton ompatey.

Isaias 63:1

Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg? Sikato so Katawan, makapanyarin mangilaban, ya onsabin mangibawag na pananalo to.

Ezekiel 25:13

Ibabawag ko natan a dusaen koy Edom tan pateyen kod may balang too tan ayep. Pagmaliwen kon dalin ya andi-kakanaan, manlapud siudad na Taman ya anggad siudad na Dedan, tan napatey ed bakal iray totoo.

Obadias 1:1

Sikato yay propisiya nen Obadiassay imbaga na Katawan a DIOS nipaakar ed bansa na Edom. Say Katawan imbaki tod saray bansa so managbalita to, et nadngel mi so imbalita to: Mamparaan kayo! Onla itayon mibakal ed Edom!

Habacuc 3:3

Onsasabi lamet a manlapud Edom so Dios; onsasabin manlapud kapokdulan na Paran so masanton Dios. Akobutan na kagalangan to so katawenan, tan napno na dayew to so sankamundoan.

1 Saray Awaran 1:44

Nen inatey si Bela sinalatan nen Jobab a lakin anak nen Zera, tan taga Bosra.