Aggeo 2:21 - Maung a Balita Biblia

²¹ Laka ta ibagam ed kinen Zorobabel a gobirnador na Juda, ya onyay kuankod sikato, Ngalngalik la yegyegen so tawen tan dalin;

Maung A Balita Biblia

²¹ “Laka ta ibagam ed kinen Zorobabel a gobirnador na Juda, ya onyay kuankod sikato, ‘Ngalngalik la yegyegen so tawen tan dalin;

Aggeo 2:21 Referans Kwoze

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnandor na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Esdras 5:2

Nen nadngel di Zorobabel a lakin anak nen Salatiel tan Josue a lakin anak nen Josadac so pulong da, intubat day kimey ed Timplo ed Jerusalem. Tinmulong ed sikara ira may duaran propita.

Saray Salmo 46:6

Natatakot iray bansa, nagogolo ray nanarian; oneeyag so Dios, et natotonaw so sankamundoan.

Aggeo 1:14

Pinabiskeg na Katawan so linawa na balang sakey ed sikara a mangipaalagey lamet ed Timplo: si Zorobabel a gobirnador na Juda; si Josue a Pangulon Pari, tan amin a totoon sinmempet a nanlapud inkibantak dad arum a bansa. Inggapo ray impankimey da ed Timplo na Katawan a Makapanyarin-amin a Dios da,

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Ezekiel 26:15

Say Katawan a Dios wala yan nibaga to ed siudad na Tiro: No nadadakep ka, nataktakot iray totoon manaayam ed gilig na dayat diad pakadngel dad paneyag na saray amayamay a napapatey.

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:

1 Saray Awaran 3:19

Duaray lalakin anak nen Pedaya a di Zorobabel tan Simei. Si Zorobabel so ama na duaran lalaki a di Mesullam tan Hananias, tan sakey a bii a si Selomit.

Ezekiel 21:27

Deral! Deral! On, pagmaliwen kon deral-deral so intiron siudad. Balet ag ya nagawa anggad isabi na samay pinilik a manusad siudad. Sikato so pangiteran ko na siudad.