Aggeo 1:11 - Maung a Balita Biblia

¹¹ Anggapoy pateterteren kon oran ed dalindiad kapokdulan, diad kaalogan, diad kaubasan, tan diad kaolibaandiad amin a tanaman ed dalin, diad saray totoo tan saray ayayep, tan diad amin a bengatlan labay yon pabalegen.

Maung A Balita Biblia

¹¹ Anggapoy pateterteren kon oran ed dalin—diad kapokdulan, diad kaalogan, diad kaubasan, tan diad kaolibaan—diad amin a tanaman ed dalin, diad saray totoo tan saray ayayep, tan diad amin a bengatlan labay yon pabalegen.”

Aggeo 1:11 Referans Kwoze

Aggeo 2:17

Angibaki ak na makasinit a dagem tan ontan met na kristal ya angoran ed antokaman ya intanem yo, balet siansian ag kayo nagbabawi.

Deuteronomio 28:22

Say Katawan ipadalan tod sikayo ray makaalis a sakit, larag, tan petang; pakisiren ton maung so danum yo tan pasinagen toy makasinit a petang na agew et naderal iray tanaman yo. Ondalan ed sikayo ra ya, anggad ag yo ipatey.

2 Saray Arari 8:1

Inkuanen Eliseo ed samay biin taga Sunem, a say anak ton laki et pinabilay to, Manayam kad arum a lugar, sika tan say pamilyam, ta say Katawan padalanen tod dalin na Israel so eras tan mansiansian pitoy taon.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.

Amos 9:6

Say Katawan ipapaalagey tod katawenan so abung to, ililira tod tagey na mundo so tambubong na tawen Tatawagen toy danum ed dayat tan ikakalbo tod tapew na dalin Say ngaran to et Yahweh!

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Amos 5:8

Say Katawan pinalsa to ray bitewen, say Pleiades tan Orion. Pagmamaliwen ton liwawa so bilonget tan agew so labi. Tatawagen to ray danum na dayat tan ikakalbo to rad tapew na dalin. Yahweh so ngaran to.

Saray Tagleey 1:21

Dengel mo pay panayay ko; anggapoy manligliwad siak. Panliketan na saray kalaban ko so impangiter moy gunigon ed siak. Ipasabim pa la may agew ya insipan mo; panirap mo pa ray kalaban ko a singa paniirap ko.

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

Jeremias 14:2

Say Juda et walad kaermenan, ompapatey iray siudad to, mandokdokul ed dalin iray totoo to lapud kaermenan, tan onkekerew na tulong so Jerusalem.

Malakias 3:9

Nisasamba kayon amin, lapud tatakewan ak na intiron bansa.

Malakias 3:11

Ag ko abuloyan a deralen na saray bigis iray tanaman yo, et diad ontan mambunga na amayamay iray sengeg na ubas yo.

Aggeo 2:19

Anggaman ya anggapoy atilak ya ilik na trigo, tan ag ni nambunga iray ubas, igos, granada, tan oliba, balet bindisionan ta kayo.