3 Juan 1:11 - Maung a Balita Biblia

¹¹ Pinablin kaarok, ag mo aaligen so maoges a kagagawa; say maung so alig mo. Say toon manggagaway kamaungan et kayaryan na Dios, balet say toon manggagaway kaogsan et ag to anengneng so Dios.

Maung A Balita Biblia

¹¹ Pinablin kaarok, ag mo aaligen so maoges a kagagawa; say maung so alig mo. Say toon manggagaway kamaungan et kayaryan na Dios, balet say toon manggagaway kaogsan et ag to anengneng so Dios.

3 Juan 1:11 Referans Kwoze

Saray Salmo 37:27

Arawian moy kaogsan tan manggawa kay kamaungan, et mansiansian mambilay ed dalin iray kabyangay boleg mo;

TAGA-EFESO 5:1

Alig yo so Dios, bangta anak to kayon inararo.

1 Pedro 3:11

Nepeg to lan ibeneg so kaogsan tan manggawa lay kamaungan; nepeg to met lan anapey kareenan tan pampilalekay pambilay a mareen.

Juan 3:20

Siopamay maoges iray gawa to bosulen toy silew tan ag ondagod silew, ompano napatnagan so kagagawa to.

Saray Salmo 34:14

Arawian yoy kaogsan tan manggawa kayoy kamaungan; pampilalekan yod intiron puso so kareenan.

1 Pedro 3:13

Siopay manggaway makapoy ed sikayo no say kaabigan so pilalek yon gawaen?

2 Timoteo 3:10

Balet sika, tinombuk moy bangat, ogali, tan getmak ed bilay. Inalig moy pananisiak, panaganos ko, panangarok, tan panagtepel ko.

1 Juan 2:29

Amta yon matonung si Cristo; nepeg yon kabaten met sirin ya anak na Dios so balang sakey a manggagaway katonungan.

1 TESALONICA 2:14

Say nagagawad sikayo, agagi, et kapara to may agawad saray iglisiay Dios a walad Judea, diad saray totoon wadman a manmamatalek ed Cristo Jesus. Papairapen kayo ray dilin kabandaan yo, a singa saray taga Judea a pinasegsegang na saray kapara ran Judio.

1 TESALONICA 1:6

Inalig yo kami tan say Katawan. Diad impangawat yoy Maung a Balita, nanlikna kayoy ontan lan kairapan; balet anggaman ontan, walad sikayoy liket a manlalapud Ispiritu Santo.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.

Juan 10:27

Ondedengel na bosis ko ray karnirok. Amtak ira tan totombuken da ak.

Exodo 23:2

Ag kayo mibibiang ed saray karaklan no maoges so gagawaen da, o no mantasi ra na tila diad pamikewret dad katonungan.

Saray Hebreo 6:12

Ag kayo manngingiras. Alig yo ray totoo a lapud anos tan pananisia et tawiren da ray sipan na Dios.

1 CORINTO 11:1

Alig yo ak sirin, a singa pangaalig kod Cristo.

1 CORINTO 4:16

Karewen ko sirin ya alig yo ak.

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

FILIPOS 3:17

Mankakasakey kayon onalig ed siak, agagi. Imano yo ray totoon ontotombuk ed oliran ya intilak mid sikayo.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.