2 Timoteo 1:4 - Maung a Balita Biblia

⁴ Diad pakanunot kod saray luam, pampilpilalekan ta kan nanengneng pian nasigput so liket ko.

Maung A Balita Biblia

⁴ Diad pakanunot kod saray luam, pampilpilalekan ta kan nanengneng pian nasigput so liket ko.

2 Timoteo 1:4 Referans Kwoze

2 Timoteo 4:9

Gawam so anggaay nayarian mon onla dian tampol.

2 Timoteo 4:21

Gawam so anggaay nayarian mon onla dia, kasakbayay panaon na ambetel. Papaibanoan ira di Eubulo, Pudente, Lino, Claudia tan amin da ray agagi.

1 TESALONICA 2:17

Agagi, nen niarawi kamin aganod sikayoaliwan diad kanunotan no ag ta diad lamanmaililiw kamid sikayo tan ontan lay pilalek min makapinengneng lamet ed sikayo!

FILIPOS 1:8

Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.

Puyan 21:4

Ponasen ton amin iray luad mata ra. Anggapo lay patey, ermen, akis, tan sakit; naandipat la ray gendat a bengatla.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.

1 Juan 1:4

Isusulat mi ra ya, pian magmaliw a nagnap so liket tayo.

FILIPOS 2:26

Makakailiw lad sikayon amin tan mapagpaga, ta nadngelan yoy impansakit to.

Saray Taga Roma 1:11

Ta ontan lay pampipilalek kon onlad tan, pian niiter kod sikayoy maispiritun bindision a mamabiskeg ed sikayo.

Saray Gawgawa 20:31

Kanyan manalwar kayo, tan ag yo lilingwanan a diad loob na taloy taon, labi may agew, andi-tondan binabangatan koy balang sakey ed sikayo, tan amayamay a lua so tinmeterter ed saray matak lapud saya.

Saray Gawgawa 20:19

Sipapaabeba ak a nanlilingkur ed Katawan, tinmeterter so luak, tan intetepel koy amayamay a kairapan lapud saray maoges a getma ray Judio ed siak.

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.

Juan 16:22

Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Jeremias 31:13

Insan mansayaw tan manliket iray bibii; manggayaga ray lalaki, malangwer may matakken. Ligliwaen ko ra tan pagmaliwen kon liket so ermen da; pagmaliwen kon gayaga so ermen da.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Saray Salmo 126:5

Iyabuloy mo pan saray nanaakis legan dan mantatanem et manani ran malikeliket!