2 Samuel 5:1 - Maung a Balita Biblia

¹ Insan amin a tribu na Israel linma rad kinen David diad Hebron tan kuandad sikato, Kadalaan tan kalamanan mo kami.

Maung A Balita Biblia

¹ Insan amin a tribu na Israel linma rad kinen David diad Hebron tan kuandad sikato, “Kadalaan tan kalamanan mo kami.

2 Samuel 5:1 Referans Kwoze

TAGA-EFESO 5:30

ta kabyangan itayo na laman nen Cristo.

2 Samuel 19:13

Binilin met ira nen David ya ikuandad kinen Amasa, Kanayon ta ka. Manlapud natan, salatan moy Joab a pangulo na saray sondalo. Pateyen ak komun na Dios no ag ko ya gawaen!

Genesis 29:14

inkuanen Laban, On, andi-duaruwa a sikay dilin laman tan pokel ko. Nanayam dimay Jacob na sakey bulan.

Saray Hebreo 2:14

Lapud sarayan anak et totoo ran walay laman tan dala, si Jesus et nagmaliw a too a singa sikara. Ginawa to ya pian diad panamegley na impatey to, naderal toy Diablo a walay pakayari tod patey.

Saray Huis 9:2

a tepeten dad saray totood Sikem, Antoy labay yo? Say panoley ed sikayo na saray pitomplon lalakin anak nen Gedeon odino say panoley na sakey labat a too? Nepeg yon nunoten a kadalaan yoy Abimelec.

Deuteronomio 17:15

Nepeg a say pilien a manari et say toon pinili na Katawan a Dios yo. Nakaukolan a sikatoy sakey ed saray totoo yo; ag yo pagmamaliwen ya ari yo so sangkaili.

Josue 10:36

Manlapud Eglon si Josue tan saray sondalo to tinmatdang irad kapokdulan tan dinogpaan day Hebron,

2 Samuel 19:12

Kakanayon ta kayo, kalamanan tan kadalaan ta kayo; akin et sikayoy onur a mamapawil ed siak?

2 Samuel 19:43

Inmebat iray Israelita, Mamimpulo nin karakel so kanepegan mid Ari David nen say sikayo anggaman a kanayon yo. Akin et memelag-melagen yo kami? Ag yo lilingwanan a sikamiy akaonan nantotongtong na nipaakar ed ipawil na ari! Balet mapetang ni ray lalakin taga Juda a misangsangan nen saray lalakin taga Israel.

2 Samuel 2:32

Inala nen Joab tan saray totoo to so bangkay nen Asael tan impompon dad lobuk nen ama to diad Betlehem. Insan sanlabi ran nanakar et diad palbangon akasabi rad Hebron.

2 Samuel 19:14

Sarayan salita nen David akapapawil na inkatoor na amin a totood Juda, kanyan impaibaga rad ari ya ompawil la tan amin da ray opisyal to.