2 Samuel 19:1 - Maung a Balita Biblia

¹ Nibagad si Joab a panaakisan tan paneermenan nen David si Absalom.

Maung A Balita Biblia

¹ Nibagad si Joab a panaakisan tan paneermenan nen David si Absalom.

2 Samuel 19:1 Referans Kwoze

2 Samuel 18:14

Ag ko la darakey panaon kod sika, kuanen Joab. Angalay taloran pika, insan to ra impika ed pagew nen Absalom, nen mabilay nin mambitbitay ed tagey na kiew a robli.

2 Samuel 18:5

Ingganggan tod kindi Joab, Abisai, tan Itai, Makasengeg ed siak ag yo papasakitan so malangwer a lakin si Absalom. Nadngel na amin a sondalo so impangibaga nen David ed sayan ganggan.

Probirbio 17:25

Say anak a makulang-kulang mangiiter ed ama to na kaermenan tan diad ina to say makapasinagem a liknaan.

2 Samuel 18:33

Agaylay ermen na ari. Linmad kuarton walad tagey na puirta. Legan ton oonla, manakakis tan kuanto, O anak ko! Anak kon Absalom, anak ko! Siak la komuy inatey, aliwan sika, O anak ko! Absalom, anak ko!

2 Samuel 18:20

Inkuanen Joab, Andi! Ag mo iyaakar natan so maung a balita. Dia lad arum ya agew so pangyakar mo, aliwan natan, ta inatey so anak na ari.

2 Samuel 18:12

Balet inmebat imay too, Anggan initdan yo ak na sanlibon pilak, ag ko diwiten so anak na ari. Nadngel min amin so ganggan na ari ed sika, si Abisai tan si Itai, Makasengeg ed siak, ag yo papasakitan so malangwer a lakin si Absalom.

2 Samuel 19:2

Kanyan diad saman ya agew say liket na saray sondalo nen David lapud impanalo ra et nagmaliw ya ermen, nen nadngelan dan paneermenan na ari so anak to.

Zacarias 12:10

Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Genesis 37:35

Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, Anggan wala ak lad pasen a panaayaman da ray inaatey, panermenan ko ni so anak ko. Kanyan ag to tinondaan ya inermenan ko ni so anak ko. Kanyan ag to tinondaan ya inermenan si anak ton Jose.