2 Samuel 15:1 - Maung a Balita Biblia

¹ Kayari to ya, angalay Absalom na sakey a karwahi tan pigaran kabayo, tan limamplon sondalo ya ombatik ed onaan to.

Maung A Balita Biblia

¹ Kayari to ya, angalay Absalom na sakey a karwahi tan pigaran kabayo, tan limamplon sondalo ya ombatik ed onaan to.

2 Samuel 15:1 Referans Kwoze

1 Saray Arari 1:5

Si Adonias ya anak di David tan Hagit et yogtan nen Absalom tan mapalaloy inkaguapo ton laki. Ag balut apampasnukan nen David, tan pirawat toy magmaliw ya ari. Angiparaan la na saray ikana ton karwahi tan saray kabayo tan limamplon lalaki a mangolup ed sikato.

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

1 Samuel 8:11

Impaliwawa to, Onyay panoley ed sikayo na ari yo: Pagmaliwen ton sondalo ray anak yon lalaki; manlogan iray arum ed saray karwahi ton para bakal, mankabayo ray arum, tan mambatik iray arum diad onaan da ray karwahi to.

Probirbio 17:19

Say panlabay ed kasalanan et panlabay ed golo. No malastug ka lawas, goloy aanapen mo.

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Probirbio 11:2

Ag mabayag napelag ed kababaingan iray totoon mapaatagey. Makabat so toon mapaabeba.

1 Saray Arari 1:33

tan kuan na arid sikara, Itagar yo ray opisyal ko, pakabayo yod dilin mulak si Solomon, tan olup yon onlad Gihon.

Deuteronomio 17:16

Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.