2 CORINTO 8:4 - Maung a Balita Biblia

⁴ impasoot dan kinerew ed sikami so pankanawnawa ran makatulong ed saray totoo na Dios ed Judea.

Maung A Balita Biblia

⁴ impasoot dan kinerew ed sikami so pankanawnawa ran makatulong ed saray totoo na Dios ed Judea.

2 CORINTO 8:4 Referans Kwoze

Saray Gawgawa 24:17

Pigay taon ya anggapo ak ed Jerusalem, insan ak pinmawil a mangiter na tulong ed saray kabaleyan ko, tan mangibagat ed Dios.

TAGA GALACIA 6:10

Kanyan anamuten tayoy pankanawnawa tayon ontulong ed kaparan too, lautlad saray agagid pananisia.

2 CORINTO 9:1

Ag ko la nakaukolan ya isulat ed sikayoy nipaakar ed tulong ed saray totoo na Dios, diad Judea.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

1 CORINTO 16:15

Agagi, kabat yoy Estefanas tan say pamilya to; sikaray inmonan nagmaliw a Cristiano dimad Acaya, tan insaklang day bilay da a manlingkur ed saray totoon pinili na Dios. Kerewen ko, agagi,

TAGA GALACIA 2:10

Say kinerew da labat et say ag mi pamaolyan ed saray mairap-bilay, a sikato lay gendat a pampipilalekan kon gawaen.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

1 CORINTO 16:1

Natan, nipaakar met ed kuarta ya itulong ed saray totooy Dios ed Judea, gawa yoy singa imbagak ed saray iglisia ed Galacia.

Saray Taga Roma 15:31

Ipikasi yo pan nipaliis ak ed saray aliwan mananisian walad Judea, tan maliket ya awaten na saray totooy Dios a wala rad Jerusalem so panlingkur kod sikara.

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, Diman ki la mipundod abung ko, no ipapasen yo ak a matoor ed Katawan. Mapilit so impangimbita to, kanyan linma kami.

Saray Gawgawa 11:29

Nampapaknaan da ray disipulo a mangiter iran amiy tulong ed saray agagin manaayam ed Judea, onung ed nayarian ya iter na balang sakey.

Marcos 14:7

Ta kaiba yo lawas iray mairap-bilay tan nayarian yo ran tulongan ed anggan anton oras a labay yo. Balet ag yo ak lawas kaiba.

Mateo 25:40

Onebat so Ari ed sikara, Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!

Mateo 12:50

Ta siopamay manggaway linawa na Amak a walad tawen, sikatoy agik, sikatoy inak.

Mateo 10:42

Tandaan yo ya! Say mangiter na anggan sakey a bason ambetel a danum ed sakey ed saray sankaabebaan a disipulok, lapud sikatoy disipulok, walay awaten ton awaten a tumang to.