2 CORINTO 8:16 - Maung a Balita Biblia

¹⁶ Ontan lay pisasalamat mid Dios, ta ginawa toy Tito a maseeseet ya ontulong ed sikayo a singa kinaseet mi!

Maung A Balita Biblia

¹⁶ Ontan lay pisasalamat mid Dios, ta ginawa toy Tito a maseeseet ya ontulong ed sikayo a singa kinaseet mi!

2 CORINTO 8:16 Referans Kwoze

Puyan 17:17

Inseksek na Dios ed puso ra so pangonur dad labay to, diad panamegley na pankakasakey dan mangiter ed samay ayep na pakayari ran manoley, anggad ontua ray salitay Dios.

FILIPOS 2:20

Anggapo lay miparad pililikna tod siak tan panangisakit tod sikayo.

2 CORINTO 7:12

Kanyan anggan ginawak man a sulat, ginawak ya aliwan lapud samay toon nankasalanan o samay toon nankasalananan. Ingen ginawak a pamalinew kod sikayo, diad arap na Dios, na ontan lan panamabli yod sikami.

2 CORINTO 7:7

Aliwa lambengat a say insabi to so nanligliwad sikami, no ag pati say impangibalita toy impanligliwa yod sikato. Imbaga tod sikami no panon so panlabay yon makapinengneng ed siak, no panoy paneermen yo, tan no panoy panangisakit yod siak. Lapud saya, lalon makaliliket ak.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Jeremias 31:31

Say Katawan kuanto, Onsabiy panaon a baloy pisipanan kod saray totood Israel tan saray totood Juda.

Esdras 7:27

Inkuanen Esdras, Nadayew so Katawan a Dios na saray lalaki tayo! Ginawa ton maabuloy so impirador a pagalangan to na onya so Timplo na Katawan ed Jerusalem.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

Nehemias 2:12

ag ko imbagad siopaman so pagagawad siak na Dios para Jerusalem. Insan diad pegley-labi binmangon ak, intagar koy pigara ed saramay kakaibak, insan kami pinmaway. Samay asnon kinabayoan ko, so ayep labat ya inawit mi.

2 CORINTO 8:6

Kanyan tinanggoyur miy Tito ya ituloy to yan kimey ya inggapo to, tan ibaan to kayon manumpal ed sayan nidoman panaglingkur lapud aro.

2 CORINTO 8:23

No nipaakar ed kinen Tito, sikatoy kaibak ya ontutulong ed sikayo; nipaakar ed saray agagin milad sikato, sikaray mangilalaman na saray iglisia tan mangiiter na galang ed Cristo.

2 Saray Awaran 31:8

Nen anengneng nen Ari Ezekias tan saray opisyal to so karakel na niiter, inggalang day Katawan tan intanduro da ray totoo ton Israelita.