2 CORINTO 10:5 - Maung a Balita Biblia

⁵ igegeba miy panagpaatagey ya onsumlang ed kakabatay Dios. Pasusukoen miy balang kanunotan tan patotoluken mid Cristo.

Maung A Balita Biblia

⁵ igegeba miy panagpaatagey ya onsumlang ed kakabatay Dios. Pasusukoen miy balang kanunotan tan patotoluken mid Cristo.

2 CORINTO 10:5 Referans Kwoze

Saray Hebreo 4:12

Ta mabilay tan mabiskeg so salitay Dios. Matdem nen say anggan anton ispada a nantopag so tarem; talusen to so anggad pansiyanay kamarerwa tan ispiritu, anggad panabetay langolangowan tan otek na pokel. Sintinsiaan to ray kanunotan tan pilalek na saray katoowan.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Saray Taga Roma 7:23

Balet nalilikas kon mankikimey so sananey a ganggan ed saray kabyangay laman ko, ganggan a misusumlangan ed ganggan na kanunotan tan angaripen ed siak ya ontoluk ed ganggan na kasalanan a walad saray kabyangan na laman ko.

Mateo 15:19

Ta manlapud pusoy too iray maoges a kanunotan, panagpatey, pikakaloguran, pilalawanan, panagtakew, panagtila, tan panagpaoges ed kaparan too.

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

1 CORINTO 3:19

Ta say kakabatan na sankamundoan, kakulang-kulangan ed arap na Dios. Onung na ibabagay Masanton Sulat, Erelen na Dios iray makabat diad panamegley na dilin silib da.

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Saray Salmo 139:2

Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

1 CORINTO 1:19

Ta ibabagay Masanton Sulat, Deralen koy kakabatan da ray makabat, pagmaliwen kon andi-kakanaan so pakatalus da ray marunong.

Probirbio 15:26

Kabosul na Katawan iray maoges a kanunotan, balet pakaliliketan to ray salitan makaruyruyo.

Saray Salmo 10:4

Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

Ezekiel 17:24

Amin a kiew ed dalin naamtaan da a siak so Katawan. Babatangen ko ray atagey a kakiewan, tan pababalegen ko ray melag kiew. Lelenesen ko ray malambut a kiew tan palalambuten ko ray amagan kiew. Siak a Katawan so nansalita. Gawaen ko so sinalitak.

2 TESALONICA 2:8

No nakal la, ompaway la yan Maoges, tan sikatoy pateyen na Katawan a Jesus no onsabi, diad panamegley na ingas to, tan deralen to diad panamegley na mapagalang ya isabi to.

Probirbio 24:9

Kasalanan so antokaman ya iplaplano na makulang-kulang. Kabosul na saray totoo so toon managbalaw na kapara ton too.

Lucas 1:51

Impakana toy biskeg da ray taklay to, binuybuyak to ray mapaatagey tan saray getma ra.

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

Daniel 4:37

Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.

Isaias 59:7

Maoges lawas iray plano yo, tan agaylay siglat yon manumpal. Bengat-bengat kayon mamapatey na saray totoon anggapoy kasalanan. Deral tan bagbag so ititilak yo ed inerman a laen yo,

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Deuteronomio 15:9

Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

2 CORINTO 9:13

Tan lapud paneknek ya iter na sayan panlilingkur yo, dakel iray mangigalang ed Dios lapud inkatoor yod Maung a Balita nen Cristo a totombuken yo, tan lapud inkabonluk yon mangiter ed sikara tan saray arum.

Saray Taga Roma 16:26

Nibawag la ya natan a katwaan diad panamegley na saray insusulat da ray propita; tan lapud ganggan na andi-anggaan a Dios, nipakabat ed saray amin a bansa pian manisia tan mangonur iray amin a katoowan.

2 Saray Arari 19:22

Siopay abaloan mon papabaingan tan luludlureyen mo? Ag mo ak pinagalangan, siak a masanton Dios na Israel.

Saray Taga Roma 1:5

Diad panamegley to, inawat mid Dios so baleg a panangaro to tan say inkaapostol, pian natanggoyur min manisia tan mangonur ed Cristo iray amin a katoowan.

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan Say Siudad na Katawan. Sion, say Siudad na masanton Dios na Israel.

2 Saray Arari 19:28

Naawat koy pakabat a nipaakar ed satan a pamapasnuk mo tan satan a panagpaatagey mo, kanyan natan inan koy patili so eleng mo tan pakalat so sangim, tan papawilen ta kad dalan a nanlapwan mo.

1 Pedro 1:2

Pinili kayoy Dios Ama, onung ed getma to lan nanlapud gapoy gapo, tan pinasanto kayoy Ispiritu, pian magmaliw kayon maonur ed Jesu-Cristo tan nalinisan kayoy dala to. Nawalaan kayo komuy ag nasabsabaan a bindision tan kareenan.

Saray Salmo 18:27

Iyaagel mo ray totoon mauyamo, balet papaabebaen mo ray mapaatagey.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Saray Salmo 18:44

Dadakmomoan ak na saray totoon taga arum a bansa; no narengel da ak, ononur ira.

Exodo 5:2

Inmebat so ari, Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Jeremias 23:29

Singa apoy so salitak, tan singa mantilyon manmekmek na saray bato.

2 CORINTO 11:20

Aanosan yo ray mangaariped sikayo, o saray manasaol, o saray mamapati, o saray mamapaabeba, o saray manatampal ed sikayo.

FILIPOS 4:7

Tan say kareenay Dios a palabsanan toy pakatalus na too so mangasikasod puso tan nunot yo, diad panamegley nen Cristo Jesus.